GONDO 2

Mawomba-wombelo

2 Vakorinto 2:17

ATI HI NO BHULA NGU TONA: Womba-womba ngu nzila ya mtumbuluko, kombisa matipfelo ako ngu msungo wa mhaka wonewo ni ngu vaengiseli vako.

Lulamisela kha kwati. Hahanze ko thava, maha mkombelo ka Jehovha kasiku e kuvhuna u veka mialakanyo yako ka didungula dako. Veketa ha msungo timhaka ta lisima ti u lavako ku ti gondisa. Txhamusela timhaka ngu mapswi ako, i si nga kulera ti ti nga bhalwa.

Ngako u txi lulamisela kulera Bhilblia mwendo dibhuku do kari, zama kupfisisa mhaka ya kona se u na lera ngu nzila ya mtumbuluko. Ngako ati u lerako i di mapswi a vathu vo kari ma lere ta tinene i si nga ngu kuhiseka kupinda mpimo.
Womba-womba ti txi huma mbiluni. Alakanya ti to ngu kutxani vaengiseli vako va di fanete kupfa didungula donedo. Va khatalele. Mazumbelo, maemelo, ni khohe yako si na mahe ve ti wona ti to u bhula navo ti txi huma mbiluni ni ku wa va dhunda.

U nga mahe nga wo va ka mabhulo o sakana, bhula ngu nzila ya mtumbuluko. Kombisa lisima la didungula dako ngu kuwomba-womba ngu nzila ya yinene ni kuthumisa mapswi a manene.
Wonetela vaengiseli vako. Ngako ti di tolevelekile, wonetela va u womba-wombako navo. Ngako u txi veka m’womba-wombo, wona khohe ya mmwani ni mmwani i si nga ku va wona kota mtxawa.