Awe u nga txhumayela ni kugondisa!

Makhatoni Mosi a kanakanile wusikoti wakwe wo hetisisa txiavelo txi a nga ti ningilwe ngu Jehovha. (Eks 4:10, 13) Ina nawe u tipfisa toneto? Ina u gonda Bhiblia ni Tifakazi ta Jehovha? Wa kana-kana to ina u nga sikota kutxhumayela ngu mti ni mti? Kutilava u mphya wu a thavako kutxhumayela txikolwani. Mwendo ti nga maha u txi thava kuningela wufakazi wa ha kubasani mwendo kutxhumayela ngu telefone. Se kombela Jehovha e kutsanisa ngu moya wakwe wo sawuleka. (1 Ped 4:11) Tsaniseka ti to Jehovha a nga kuvhuna ka txiavelo tximwani ni tximwani txi a ku ningako.—Eks 4:11, 12.

XALELA VHIDHIYO YI YI KU: KOMBISA TXIBINDI KOTA . . . MUHUWELELI, U GWITA U XAMULA SIWOTISO SI SI LONDISELAKO:

• Ngu txihi txikarato txi mwanathu Aoyama a nga manana natxo?

• A wu mani hayi mtamo ni txibindi?—Jer 20:7-9

• A wuyetwe ngu nzila yihi ngu kumaha to tala ka mthumo wa Jehovha?

• Ngu sihi sikarato si u nga mananako naso thembweni asi Jehovha a nga kuvhunako ti to u si xula?