GONDO 10

Kutxitxa-txitxa dipswi

Mavingu 8:4

ATI HI NO BHULA NGU TONA: Txhamusela ngu nzila yo hehuka ni kutshambisela ngu ku txitxela mpfumawulo, makwangulelo, ni livilo la dipswi.

Txitxa-txitxa mpfumawulo. Guleta dipswi ti to u junyatisa timhaka ta hombe ni ku wusa kutsakela ka vaengiseli vako. Maha toneto u txi lera ndimana yo kari ayi yi txhamuselako ta wulamuli. Hungula dipswi dako u txi lava kutxitxa, u txi junyatisa ndimana yi yi womba-wombako ngu kuthava mwendo kukarateka.

U nga gulete dipswi mkama ni mkama u txi nga wo bhongela vaengiseli vako. Tiwonele ku u si va mwalati ngu mawomba-wombelo o sekisela.
Txitxa-txitxa makwangulelo. Ngako ti di tolovelekile guleta dipswi u txi lava kukombisa kutsaka, wuhombe mwendo mpfhuka. Releta dipswi u txi lava kukombisa wusiwana mwendo kukarateka.
Txitxela livilo la dipswi. Womba-womba ngu livilo u txi junyatisa litsako. U nga kuluveteli u txi txhamusela timhaka ta lisima.

Ti to u si dhukise vaengiseli vako, u nga txitxe dipswi konaha ni konaha. U nga womba-wombe ngu txikuluveta ngutu ha ko za mapswi ako ma si pfali kwati.