Txienge 2

I mani Txizimu txa ditshuri?

A di ka txiluvelo txakwe txa nzumani, Jehovha wa wona sivangwa sakwe sa nzumani ni sa ha mafuni

Kova ni Txizimu tximwetxo basi txa ditshuri, ditina da txona i Jehovha. (Masalmo 83:18, A Biblia Go Basa) Ene i Moya; athu kha hi na ku sikota ku m’wona. Ene wa hi randa a lava to nathu hi m’randa. E tshumela e lava to hi dhunda muakelane wathu. (Matewu 22:35-40) Ene a Gulekile ngutu, M’vangi wa sotshe si sikuho.

Txivangwa txo khata txa Txizimu kuve m’thu wo sawuleka wa moya awu msana ka txikhati a nga dhanwa ku i Jesu Kristu. Jehovha a tshumete a maha ni tingelozi.

Jehovha a mahile sotshe si siku nzumani . . . ni ha Mafuni. Mtuletelo 4:11

Jehovha Txizimu a mahile tinyeleti, mafu ni sotshe si sikuho ha mafuni.—Genesisi 1:1.

Ene a mahile m’thu wo khata, Adhamu, ngu lithulu la mafu.—Genesisi 2:7.