Txienge 9

Ngu yihi mbimo yi paradhise yi nota ngu yona?

Sikarato sa ngweno ha mafuni txikombiso txo ngu ku kuluveta Mfumo wa Txizimu wu na maha to kari. Luka 21:10, 11; 2 Timoti 3:1-5

Sikombiso sa masiku a magwito—tiyimbi, malwati, ku pwateka ka sakudya, vaeyisi va vaveleki ni va tshofu

Di Bhibhele di profetile ngu timhaka ti ti kuho ngweno. Di wombile to vathu va di na dhunda ngutu male, vaeyisi va vaveleki, va tshofu ni vo dhunda mitsako.

Ku di nava ni kuzinginikela ka hombe ka mafu, tiyimbi, ku pwateka ka sakudya ni malwati. Totshe timhaka eto ta maheka nyamsi.

Mmweyo wa Tifakazi ta Jehovha atxi txhumayela wamwamna mahungu a manene a Mfumo

I si ngeto basi. Jesu a di khene mahungu a manene mayelana ni Mfumo ma di na huwelelwa ha mafuni kotshe.—Matewu 24:14.

Mfumo wa Txizimu wu na gumisa wotshe wubihi. 2 Pedro 3:13

Wubihi wotshe wu na ta gumiswa ngu Armagedhoni, Sathane ni madhimoni akwe va na ta khatiswa

Na i si nga kale, Jehovha a na gumisa vathu votshe vo biha.

Sathane ni madhimoni va na mana ku khatiswa.

Jesu a ti khalahatshile ka txitulu txakwe nzumani, vathu va tixowo to hambana va di tsakile

Avale va engisako Txizimu va na pona ve tshumela ve hanya ha mafuni a maphya yo thutha, a ha vathu va ku na ti hanyela va si thavi; ni kona va na dhundana ni ku thembana.