Txiwuletiso txa txienge 12

Jesu a gondisile vathu mayelano ni Mfumo wa Txizimu. Ene a tshumete e gondisa nzila yi hi fanelako kumaha ngu yona mkombelo. A ti khene hi fanete kukombela ti to ditina da Txizimu di basiswa, ti to Mfumo wa Txizimu wuta ni ti to kuranda ka Txizimu kumahwa hamafuni. Ngaku u ti mveleki, txhamusela mwanana wako ti to ngu kutxani mkombelo wonewo i ti wa lisima. Tshumela u mkomba ti to mbimo yotshe Jesu a di thembekile ka Jehovha, hambi mbimo yi a nga txi xaniswa ngu Sathani. Jesu a sawute vapostoli ni ku vona va ve vo khata kumaha txienge txa Mfumo wa Txizimu. Vhuna mwanana wako ku e wona nzila yi Jesu a nga txi wu dhunda ngu yona wukhozeli wa ditshuri. Ene a txi lava kuvhuna vathu, ngu toneto, ene a txi hanyisa valwati, e ninga sakudya ava va nga txi pfa nzala ni kuwusa ava va nga di fite. Ngu kumaha eto, a kombisile ati Mfumo wa Txizimu wu no ta mahela vathu hamafuni.