Vhuna sigondo sako ti to si xalela mitshangano

Mitshangano yathu yi maha txienge txo sawuleka txa wukhozeli wo tenga. (Mas 22:22) Mbimo yi hi tshanganako to hi khozela Jehovha litsako lathu la engenteleka ni ku ha mana makatekwa. (Mas 65:4) Sigondo sathu sa kuluveta si kula ngu didhawa da moya nga ku mbimo yotshe si txi xalela mitshangano.

Unga txi vhunisa kutxani txigondo txaku to txi xalela mitshangano? U nga godholi ku txiramba. Txi kombe vhidhiyo yi yi ku Ku mahwa txani Nyumbani ya Mfumo? Txi txhamusele lisima lo xalela mitshangano. (lff gondo 10) Txi bhulele a ti u nga ti gonda ka mtshangano wo kari mwendo ku txi gela a ti ti no gondwa ka mtshangano wu londiselako. Txininge mabhuku aya hi mathumisako mitshanganoni. U nga mvhuna ngu tinzila timwani. Ngu txikombiso u nga txi ninga bholeya. Mbimo yi txigondo txako txi no xalela mitshangano u na wona to kutikarata kwako hi nga ka mahala.—1 Vak 14:24, 25.

XALELA VHIDHIYO YI YI KU VHUNA SIGONDO SAKO TI TO SI XALELA MITSHANGANO, U GWITA U XAMULA SIWOTISO SIYA:

• 

  Ngu wuhi mkhanjo awu Rita a nga wu thumisa to e ramba Rosa ku e xalela mitshangano?

• 

  Ngu kutxani hi txi tsaka mbimo yi txigondo txi xalelako mitshangano?

• 

  Ati pfisile kutxani Rosa mbimo yi a nga xalela mitshangano ngu dikhambi do khata?