Jesu a ‘gondile nzila ya kuengisa’

Mbimo yotshe Jesu a ti engisa Jehovha. (Joh. 8:29) Se ngu kutxani Bhiblia yi txi womba ti to Jesu ‘a gondile nzila ya kuengisa ngu sixaniso sakwe’?—Vaheb. 5:8.

Mbimo yi a nga ti hamafuni, Jesu a wonisanile ni siemo asi si si nga kuho nzumani. Ngu txikombiso, vaveleki vakwe va txi m’dhunda Jehovha, kambe va sa hetiseka. (Luka 2:51) A tshumete e ñolwa ngu nzila yo biha ngu vathangeli va wukhongeli ni vakoma. (Mt. 26:59; Marku 15:15) Ene a tshumete e fa ngu nzila yo panda. Bhiblia yi kha yona: “A txi ti veka hahatshi ene apune, e ti maha muengisi wa mlayo kala kufa.”—Vaf. 2:8.

Jesu a gondile kuengisa ngu nzila yimwani mbimo yi a nga ti hamafuni. Ngu nzila yoneyo, ti ndi na koteka ku e va Mkoma ni Mprista wa Hombe, awu a ndi no pfisisa matipfelo athu. (Vaheb. 4:15; 5:9) Jesu a vite wa lisima ngutu ka Jehovha msana ko va a di gondile kuengisa ngu ka sixaniso. Nathu hi nga va va lisima ngutu ka Jehovha ni ku sikota kumaha txiavelo tximwani ni tximwani atxi a nga hi ningako ngako hi txi simama hi m’engisa mbimo yi hi wonisanako ni sikarato.—Jak. 1:4.