2 Cronicas
10 Ug si Rehoboam+ miadto sa Sekem,+ kay didto sa Sekem nangadto ang tanang Israelinhon aron sa paghimo kaniya nga hari. 2 Ug nahitabo nga sa pagkadungog gayod niini ni Jeroboam+ nga anak nga lalaki ni Nebat samtang siya didto pa sa Ehipto,+ (tungod kay siya mikalagiw man gumikan kang Solomon nga hari,) si Jeroboam mipauli dayon gikan sa Ehipto.+ 3 Busa sila nagpasugo ug nagpatawag kaniya, ug si Jeroboam ug ang tibuok Israel miadto ug misulti kang Rehoboam, nga nag-ingon:+ 4 “Ang imong amahan, sa iyang bahin, nagpabug-at sa among yugo;+ ug karon pagaana ang malisod nga pag-alagad sa imong amahan ug ang mabug-at nga yugo+ nga iyang gisangon kanamo, ug kami moalagad kanimo.”+
5 Niini siya miingon kanila: “Palabya una ang tulo ka adlaw. Dayon balik kamo kanako.” Busa ang katawhan nanglakaw. 6 Ug si Haring Rehoboam nagpakitambag+ sa mga ansiyano nga nagpadayon sa pag-alagad kang Solomon nga iyang amahan samtang siya buhi pa, nga nag-ingon: “Unsay inyong ikatambag aron sa pagtubag niining katawhan?”+ 7 Busa sila misulti kaniya, nga nag-ingon: “Kon ikaw magpamatuod nga maayo niini nga katawhan ug makapahimuot kanila ug mosulti gayod ug maayong mga pulong kanila,+ sila usab mahimo gayod nga imong mga alagad sa kanunay.”+
8 Hinunoa, gisalikway niya ang tambag+ sa mga ansiyano nga ilang gitambag kaniya, ug siya nagpakitambag sa mga batan-ong lalaki nga katalirongan niya,+ nga maoy mga nag-alagad kaniya.+ 9 Ug siya nagkanayon kanila: “Unsay inyong itambag+ nga atong ikatubag niining katawhan nga misulti kanako, nga nag-ingon, ‘Pagaana ang yugo sa imong amahan nga gisangon kanamo’?”+ 10 Sa baylo ang mga batan-ong lalaki nga katalirongan niya misulti kaniya, nga nag-ingon: “Mao kini ang imong isulti niining katawhan nga misulti kanimo, nga nag-ingon, ‘Ang imong amahan, sa iyang bahin, nagpabug-at sa among yugo, apan, bahin kanimo, pagaana kini kanamo’; mao kini ang igasulti mo kanila,+ ‘Ang akong kumingking mahimo gayod nga mas baga pa kay sa balat-ang sa akong amahan.+ 11 Ug karon ang akong amahan, sa iyang bahin, nagpapas-an kaninyo ug bug-at nga yugo, apan ako, sa akong bahin, magdugang sa inyong yugo.+ Ang akong amahan, sa iyang bahin, nagkastigo kaninyo pinaagig mga latigo, apan ako, sa akong bahin, pinaagig mga tunokong panglapdos.’”+
12 Ug si Jeroboam ug ang tanang katawhan nangadto kang Rehoboam sa ikatulo ka adlaw, ingon sa gisulti sa hari, nga nag-ingon: “Balik kanako sa ikatulo ka adlaw.”+ 13 Ug ang hari mahaitong mitubag sa katawhan.+ Busa si Haring Rehoboam nagsalikway sa tambag+ sa mga ansiyano,+ 14 ug siya misulti kanila sumala sa tambag sa mga batan-ong lalaki,+ nga nag-ingon: “Akong pabug-aton pa ang inyong yugo, ug ako, sa akong bahin, magdugang niini. Ang akong amahan, sa iyang bahin, nagkastigo kaninyo pinaagig mga latigo, apan ako, sa akong bahin, pinaagig mga tunokong panglapdos.”+ 15 Ug ang hari wala mamati sa katawhan; kay kadto maoy kausaban sa mga panghitabo nga gikan sa matuod nga Diyos+ aron matuman ni Jehova ang iyang pulong+ nga iyang gisulti pinaagi ni Ahias+ nga Shilonhon+ ngadto kang Jeroboam nga anak nga lalaki ni Nebat.+
16 Kon bahin sa tibuok Israel, tungod kay ang hari wala mamati kanila, ang katawhan karon mitubag sa hari, nga nag-ingon: “Unsa may bahin namo kang David?+ Ug walay panulondon diha sa anak nga lalaki ni Jese.+ Matag usa ngadto sa inyong mga diyos,+ Oh Israel! Karon tan-awa ang imong kaugalingong balay, Oh David!”+ Niana ang tibuok Israel nangadto sa ilang mga tolda.
17 Mahitungod sa mga anak sa Israel nga nagpuyo sa mga siyudad sa Juda, si Rehoboam nagpadayon sa paghari kanila.+
18 Human niana gipadala ni Haring Rehoboam si Adoram,+ nga nagdumala niadtong mga gipaapil sa pinugos nga trabaho, apan ang mga anak sa Israel nagbato kaniya,+ mao nga siya namatay. Ug si Haring Rehoboam nakamaneho pagsakay sa iyang karo aron sa pagkalagiw ngadto sa Jerusalem.+ 19 Ug ang mga Israelinhon nagpadayon sa ilang pag-alsa+ batok sa balay ni David hangtod niining adlawa.