Salmo

98 Pag-awit kamo kang Jehova ug usa ka bag-ong awit,+

Kay ang mga butang nga iyang nabuhat katingalahan.+

Ang iyang tuong kamot, bisan ang iyang balaang bukton, nakabaton ug kaluwasan alang kaniya.+

 2 Si Jehova nagpahibalo sa iyang pagluwas;+

Siya nagpadayag sa iyang pagkamatarong sa mga mata sa mga nasod.+

 3 Siya nahinumdom sa iyang mahigugmaong-kalulot ug sa iyang pagkamatinumanon alang sa balay sa Israel.+

Ang tanang kinatumyan sa yuta nakakita sa pagluwas sa atong Diyos.+

 4 Singgit kamo sa kadaogan ngadto kang Jehova, kamong tibuok nga katawhan sa yuta.+

Magmaya ug hugyaw sa kalipay ug magaawit ug mga pagdayeg.+

 5 Magaawit ug mga pagdayeg kang Jehova uban ang alpa,+

Uban ang alpa ug ang mananoy nga tingog.+

 6 Uban ang mga trompeta ug ang tingog sa budyong+

Singgit sa kadaogan sa atubangan sa Hari, si Jehova.

 7 Padaguoka ang dagat ug ang mga anaa niana,+

Ang mabungahong yuta ug ang nagapuyo niana.+

 8 Papakpaka ang mga suba sa ilang mga kamot;

Sa tingob pahugyawa sa kalipay ang mga bukid+

 9 Sa atubangan ni Jehova, kay siya mianhi aron pagahukman ang yuta.+

Pagahukman niya ang mabungahong yuta uban sa pagkamatarong+

Ug ang mga katawhan uban sa katul-id.+