15 Busa ang tibuok katawhan miadto sa Gilgal, ug didto ilang gihimong hari si Saul sa atubangan ni Jehova sa Gilgal. Unya gihalad nila didto ang mga halad-sa-panag-ambit sa atubangan ni Jehova,+ ug didto si Saul ug ang tanang katawhan sa Israel nagpadayon sa pagmaya sa hilabihan.+

13 Niini si Samuel miingon kang Saul: “Milihok ka nga binuangbuang.+ Wala ka magtuman sa sugo+ ni Jehova nga imong Diyos nga iyang gisugo kanimo,+ tungod kay, kon ikaw nagtuman pa unta, lig-onon unta ni Jehova ang imong gingharian ibabaw sa Israel hangtod sa panahong walay tino.

26 Apan si Samuel miingon kang Saul: “Dili ako mobalik uban kanimo, kay ikaw nagsalikway sa pulong ni Jehova, ug si Jehova nagsalikway kanimo sa pagpadayon ingon nga hari ibabaw sa Israel.”+

23 Ug nahitabo nga, sa dihang ang espiritu sa Diyos midangat kang Saul, si David mikuha sa alpa ug nagpatokar pinaagi sa iyang kamot; ug naulian si Saul ug namaayo siya, ug ang daotang espiritu mibiya kaniya.+

7 Sa kataposan si Saul miingon sa iyang mga sulugoon: “Pangitai ako ug babayeng batid nga espiritista,+ ug ako moadto kaniya ug mokonsulta kaniya.” Unya ang iyang mga sulugoon miingon kaniya: “Tan-awa! Adunay babayeng batid nga espiritista didto sa En-dor.”+

4 Unya si Saul miingon sa iyang tigdala sa armadura: “Ibta ang imong espada+ ug dunggaba ako niini, aron dili moanhi kining mga dili-tinuli+ ug magdunggab kanako ug magaamong-among kanako.” Ug ang iyang tigdala sa armadura midumili,+ tungod kay siya nahadlok pag-ayo. Busa gikuha ni Saul ang espada ug miubo niini.+

21 Apan sukad niadto sila mapugsanong nangayo ug usa ka hari,+ ug gihatag sa Diyos kanila si Saul nga anak ni Kis, usa ka tawo sa tribo ni Benjamin,+ sulod sa kap-atan ka tuig.