NEHEMIAS

1 Ang mga pulong ni Nehemias*+ nga anak ni Hacalias: Karon sa bulan sa Kislev,* sa ika-20 nga tuig, didto ko sa palasyo* sa Susan.*+ 2 Unya miabot si Hanani,+ usa sa akong mga igsoon, uban sa pipila ka lalaki gikan sa Juda. Gipangutana nako sila bahin sa nahibiling mga Hudiyo nga mipauli gikan sa pagkabihag+ ug bahin sa Jerusalem. 3 Sila mitubag: “Makaluluoy kaayo ug makauulaw ang kahimtang sa mga namauli sa probinsiya* gikan sa pagkabihag.+ Nangaguba ang paril sa Jerusalem+ ug nangasunog ang mga ganghaan* niini.”+

4 Pagkadungog nako niini, milingkod ko ug mihilak ug nagbangotan sa pipila ka adlaw. Nagpuasa ko+ ug nag-ampo sa Diyos sa kalangitan. 5 Ako miingon: “Oh Jehova, ang Diyos sa kalangitan, ang gamhanan ug kahibulongang Diyos nga nagatuman sa iyang pakigsaad ug nagapakitag maunongong gugma niadtong nahigugma kaniya ug nagatuman sa iyang mga sugo,+ 6 palihog, ayawg sampongi ang imong dalunggan ug ayawg ipiyong ang imong mata sa pag-ampo sa imong alagad karon. Adlaw ug gabii kong nag-ampo+ bahin sa imong mga alagad ug sa mga sala sa katawhan sa Israel batok kanimo. Kami nakasala, ako ug ang panimalay sa akong amahan.+ 7 Daotan gyod ang among gihimo+ kay wala namo tumana ang mga sugo, regulasyon, ug hudisyal nga mga hukom nga gihatag nimo kang Moises nga imong alagad.+

8 “Palihog hinumdomi ang imong giingon* kang Moises nga imong alagad: ‘Kon dili mo magmatinumanon, patibulaagon mo nako taliwala sa mga katawhan.+ 9 Apan kon mobalik mo nako ug motuman sa akong mga sugo, bisan pag magkatibulaag mo hangtod sa kinalay-ang dapit sa yuta, tapokon mo nako+ ug dad-on sa dapit nga akong gipili nga butangan sa akong ngalan.’+ 10 Sila imong mga alagad ug imong katawhan, nga gitubos nimo pinaagi sa imong dakong gahom ug gamhanang kamot.+ 11 Oh Jehova, palihog, paminawa ang akong pag-ampo ug ang pag-ampo sa imong mga alagad nga nagpakitag kahadlok sa imong ngalan, ug palihog, tabangi ko nga molampos karong adlawa ug hinaot kaluy-an ko sa hari.”+

Ako ang tig-ipis* sa ilimnon sa hari.+

2 Sa bulan sa Nisan,* sa ika-20 nga tuig sa pagmando+ ni Haring Artajerjes,+ may bino nga giandam sa iyang atubangan, ug sama sa naandan gihatagan nakog bino ang hari.+ Apan karon lang ko niya nakita nga masulub-on. 2 Busa ang hari miingon kanako: “Nganong masulub-on ka nga wala man unta kay sakit? Seguradong naay nakapaguol nimo.” Busa gikulbaan ko pag-ayo.

3 Unya ako miingon sa hari: “Hatagan untag taas nga kinabuhi ang hari! Naguol ko kay guba pa gihapon ang siyudad nga gilubngan sa akong mga katigulangan, ug naugdaw ang mga ganghaan niini.”+ 4 Dayon ang hari miingon kanako: “Unsay gusto nimong buhaton?” Dihadiha miampo ko sa Diyos sa kalangitan.+ 5 Unya miingon ko sa hari: “Kon mosugot ang hari ug kon giuyonan nimo ang imong alagad, paadtoa ko sa Juda, sa siyudad diin gilubong ang akong mga katigulangan aron matukod nako kini pag-usab.”+ 6 Ang hari nangutana nako samtang ang rayna naglingkod tapad niya: “Unsa ka kadugay didto ug kanus-a ka mobalik?” Gisulti nako kon kanus-a ko mobalik,+ ug misugot ang hari nga molakaw ko.+

7 Ug miingon ko sa hari: “Kon maayo alang sa hari, hatagan unta kog sulat para sa mga gobernador sa kayutaan Tabok sa Suba*+ aron paagion ko nila paingon sa Juda, 8 ug sulat sab para kang Asap nga magbalantay sa Parke sa Hari* aron hatagan ko niyag kahoy para sa paghimo sa mga ganghaan sa Kuta+ sa Templo, sa paril sa siyudad,+ ug sa balay nga akong puy-an.” Busa gihatag kini sa hari+ kay ang akong Diyos nagtabang kanako.+

9 Pag-abot nako sa kayutaan Tabok sa Suba, gihatag nako sa mga gobernador ang mga sulat sa hari. Gipaubanan sab ko sa hari ug mga pangulo sa kasundalohan ug mga mangangabayo. 10 Dihang nahibaloan kini ni Sanbalat+ nga Horonhon ug ni Tobias+ nga Ammonhanon+ nga opisyal,* nasuko sila pag-ayo kay dunay miabot aron motabang sa katawhan sa Israel.

11 Sa ulahi nakaabot ko sa Jerusalem, ug nagpabilin didtog tulo ka adlaw. 12 Pagkagabii, ako ug ang pipila ka lalaki nga akong kauban mibangon. Wala koy gisultihan kon unsay gibutang sa Diyos sa akong kasingkasing nga buhaton alang sa Jerusalem, ug walay laing hayop nga among gidala gawas sa hayop nga akong gisakyan. 13 Nianang gabhiona, migawas ko sa Ganghaan sa Walog+ ug miagi atubangan sa Tuboran sa Dakong Bitin ngadto sa Ganghaan sa mga Tapok sa Abo.*+ Gisusi nako ang mga paril sa Jerusalem nga nalumpag ug ang mga ganghaan niini nga naugdaw.+ 14 Miadto sab ko sa Ganghaan sa Tuboran+ ug sa Linaw sa Hari, apan dili makaagi ang hayop nga akong gisakyan. 15 Pero mitungas gihapon ko sa walog*+ samtang gabii pa ug padayong gisusi ang paril. Human niana mibalik ko ug misulod agi sa Ganghaan sa Walog.

16 Ang mga opisyal+ wala mahibalo kon asa ko miadto ug kon unsay akong gibuhat kay wala pa koy gisultihan sa mga Hudiyo, mga saserdote, mga halangdon, mga opisyal, ug sa uban pa nga apil sa pagtukod. 17 Sa kataposan giingnan nako sila: “Nakita ninyo kon unsa ka makaluluoy ang atong kahimtang, guba kaayo ang Jerusalem ug nasunog ang mga ganghaan niini. Atong tukoron pag-usab ang paril sa Jerusalem aron dili na ta maulawan.” 18 Dayon gisultihan nako sila kon giunsa ko pagtabang sa akong Diyos+ ug kon unsay giingon kanako sa hari.+ Busa sila miingon: “Sige, ato nang sugdan ang pagtukod.” Ug gipalig-on nila ang matag usa* alang sa buluhaton.+

19 Pagkahibalo niini ni Sanbalat nga Horonhon, ni Tobias+ nga Ammonhanon+ nga opisyal,* ug ni Gesem nga Arabiano,+ sila nagbugalbugal+ ug nagtamay kanamo: “Unsa kining inyong ginabuhat? Mirebelde ba mo sa hari?”+ 20 Ako mitubag: “Ang Diyos sa kalangitan mao ang magpalampos niini,+ ug kami nga iyang mga alagad maoy magtukod; pero kamo walay labot ug walay katungod sa Jerusalem ug walay bahin sa kasaysayan niini.”+

3 Gisugdan pagtukod ni Eliasib+ nga hataas nga saserdote ug sa iyang mga igsoong saserdote ang Ganghaan sa Karnero.+ Gitaod nila ang mga pultahan niini ug gibalaan kini*+ hangtod sa Torre sa Mea+ ug sa Torre ni Hananel.+ 2 Ug ang mga lalaki nga taga-Jerico+ nagtukod sa sunod nga bahin sa paril. Ug si Zacur nga anak ni Imri nagtukod sa sunod nga bahin.

3 Gitukod sa mga anak ni Hasenaa ang Ganghaan sa Isda.+ Gibutangan nila kinig hamba,+ dayon gitaod ang mga pultahan, mga trangka, ug mga balabag. 4 Ang sunod nga bahin sa paril giayo ni Meremot+ nga anak ni Uriyas nga anak ni Hakoz, ug ang sunod nga bahin giayo ni Mesulam+ nga anak ni Berekias nga anak ni Mesezabel, ug ang sunod nga bahin giayo ni Zadok nga anak ni Baana. 5 Ug ang sunod nga bahin giayo sa mga Tekoahanon,+ apan ang ilang prominenteng mga tawo wala magpaubos ug wala motabang* sa buluhaton sa mga nagdumala kanila.

6 Giayo ni Joiada nga anak ni Pasea ug ni Mesulam nga anak ni Besodeias ang Ganghaan sa Karaang Siyudad.+ Gibutangan nila kinig hamba, dayon gitaod ang mga pultahan, mga trangka, ug mga balabag. 7 Ang sunod nga bahin sa paril giayo ni Melatias nga Gabaonhon+ ug ni Jadon nga Meronotnon, mga lalaking taga-Gabaon ug Mizpa+ nga ilalom sa awtoridad* sa gobernador sa kayutaan Tabok sa Suba.*+ 8 Ang sunod nga bahin giayo ni Uziel nga anak ni Harhaias, usa sa mga platero. Ug ang sunod nga bahin giayo ni Hananias, usa sa mga tighimog pahumot. Ug gibutangan nilag lagpad nga bato ang dalan sa Jerusalem hangtod sa Lapad nga Paril.+ 9 Ang sunod nga bahin giayo sa anak ni Hur nga si Repaias, prinsipe sa katunga nga distrito sa Jerusalem. 10 Giayo ni Jedaia nga anak ni Harumap ang sunod nga bahin sa paril, nga atbang sa iyang balay. Ug ang sunod nga bahin giayo ni Hatus nga anak ni Hasabneias.

11 Ang laing bahin sa paril giayo ni Malkias nga anak ni Harim+ ug ni Hasub nga anak ni Pahat-moab,+ apil na ang Torre sa mga Hudno.+ 12 Ug ang sunod nga bahin giayo sa anak ni Halohes nga si Salum, prinsipe sa katunga nga distrito sa Jerusalem, uban sa iyang mga anak nga babaye.

13 Giayo ni Hanun ug sa mga taga-Zanoa+ ang Ganghaan sa Walog.+ Gitaoran nila kinig mga pultahan, mga trangka, ug mga balabag. Ang paril nga ilang giayo maoy 1,000 ka maniko* hangtod sa Ganghaan sa mga Tapok sa Abo.+ 14 Giayo sa anak ni Rekab nga si Malkias, prinsipe sa distrito sa Bet-hakerem,+ ang Ganghaan sa mga Tapok sa Abo. Gitaoran niya kinig mga pultahan, mga trangka, ug mga balabag.

15 Giayo sa anak ni Colhoze nga si Salun, prinsipe sa distrito sa Mizpa,+ ang Ganghaan sa Tuboran.+ Iya kining giatopan ug gitaod ang mga pultahan, mga trangka, ug mga balabag niini. Giayo sab niya ang paril sa Linaw+ nga Pondohanag Tubig duol sa Tanaman sa Hari+ hangtod sa Hagdanan+ nga pasaka sa Siyudad ni David.+

16 Giayo sa anak ni Azbuk nga si Nehemias, prinsipe sa katunga nga distrito sa Bet-zur,+ ang sunod nga bahin sa paril, gikan sa atubangan sa Mga Lubnganan ni David+ paingon sa hinimo nga linaw+ hangtod sa Balay sa mga Gamhanan.

17 Mitabang sab ang mga Levihanon. Ilang giayo ang sunod nga bahin sa paril ubos sa pagdumala ni Rehum nga anak ni Bani. Ang sunod nga bahin giayo ni Hasabias, prinsipe sa katunga nga distrito sa Keila,+ ingong representante sa iyang distrito. 18 Ang sunod nga bahin giayo sa ubang Levihanon ubos sa pagdumala sa anak ni Henadad nga si Bavai, prinsipe sa katunga nga distrito sa Keila.

19 Giayo sa anak ni Jesua+ nga si Ezer, prinsipe sa Mizpa, ang bahin sa paril nga patungas sa Tukod*+ nga duol sa Tipiganag mga Hinagiban.

20 Ang laing bahin sa paril makugihong giayo ni Baruk nga anak ni Zabai,+ gikan sa Tukod* hangtod sa entrada sa balay ni Eliasib+ nga hataas nga saserdote.

21 Ang sunod nga bahin giayo ni Meremot+ nga anak ni Uriyas nga anak ni Hakoz, gikan sa entrada sa balay ni Eliasib hangtod sa tumoy sa iyang balay.

22 Ang sunod nga bahin giayo sa mga saserdote nga gikan sa distrito sa Jordan.*+ 23 Giayo sab ni Benjamin ug ni Hasub ang sunod nga bahin sa paril, atbang sa ilang balay. Ug giayo ni Azarias nga anak ni Maaseias nga anak ni Ananias ang sunod nga bahin duol sa iyang balay. 24 Ang sunod nga bahin giayo ni Binui nga anak ni Henadad, gikan sa balay ni Azarias paingon sa Tukod*+ hangtod sa eskina sa paril.

25 Giayo ni Palal nga anak ni Uzai ang sunod nga bahin sa paril nga duol sa Tukod* ug sa torre sa Balay* sa Hari,+ ang habog nga torre diha sa Hawanan sa Guwardiya.+ Ang sunod nga bahin giayo ni Pedaia nga anak ni Paros.+

26 Giayo sa mga alagad sa templo*+ nga taga-Opel+ ang sunod nga bahin hangtod sa atubangan sa Ganghaan sa Tubig+ sa sidlakan ug sa naglabaw nga torre.

27 Ang sunod nga bahin sa paril giayo sa mga Tekoahanon,+ gikan sa atubangan sa naglabaw nga dakong torre hangtod sa paril sa Opel.

28 Giayo sa mga saserdote ang paril ibabaw sa Ganghaan sa Kabayo,+ ang matag usa atubangan sa iyang balay.

29 Giayo ni Zadok+ nga anak ni Imer ang sunod nga bahin sa paril, nga atbang sa iyang balay.

Ug ang sunod nga bahin giayo ni Semaias nga anak ni Secanias, ang magbalantay sa Ganghaan sa Sidlakan.+

30 Si Hananias nga anak ni Selemias ug si Hanun nga ikaunom nga anak ni Zalap nag-ayo sa laing bahin sa paril.

Ug si Mesulam+ nga anak ni Berekias nag-ayo sa sunod nga bahin atbang sa iyang balay.*

31 Giayo ni Malkias, membro sa kapunongan sa mga platero, ang sunod nga bahin sa paril paingon sa balay sa mga alagad sa templo*+ ug sa mga negosyante, nga duol sa Ganghaan sa Pag-usisa, hangtod sa lawak ibabaw sa eskina sa paril.

32 Ug giayo sa mga platero ug mga negosyante ang paril gikan sa lawak ibabaw sa eskina sa paril hangtod sa Ganghaan sa Karnero.+

4 Pagkadungog ni Sanbalat+ nga among gitukod pag-usab ang paril, siya nasuko pag-ayo ug nagsigeg bugalbugal sa mga Hudiyo. 2 Ug giingnan niya ang iyang mga igsoon ug ang kasundalohan sa Samaria: “Unsay ginabuhat niining huyang nga mga Hudiyo? Mahimo ba ni nila nga silasila ra? Maghalad ba sila? Mahuman ba ni nilag usa ka adlaw? Magamit pa ba nila ang nasunog ug nadugmok nga mga bato diha sa mga gun-ob?”+

3 Si Tobias+ nga Ammonhanon+ nga tapad niya miingon: “Bisag irong ihalas lang ang motungtong, malumpag na ang ilang paril nga bato.”

4 Ug ako miampo: “Pamati, Oh among Diyos, kay gitamay mi.+ Ibalik unta nimo kanila ang ilang pagpakaulaw kanamo,+ ug itugyan sila ingong mga binihag sa laing dapit. 5 Ayaw palabya o papasa ang ilang sala+ kay giinsulto nila ang mga magtutukod.”

6 Busa nagpadayon mi sa pagtukod hangtod nasumpay ang tibuok paril ug katunga na ang gihabogon niini, ug ang katawhan padayong nagkugi sa pagtrabaho.

7 Pagkadungog ni Sanbalat ug Tobias+ ug sa mga Arabiano,+ Ammonhanon, ug mga Asdodnon+ nga padayong giayo ang paril sa Jerusalem ug nasumpay na ang mga kal-ang, sila nasuko pag-ayo. 8 Sila nagkunsabo aron makig-away ug magpahinabog kagubot sa Jerusalem. 9 Busa kami nag-ampo sa among Diyos ug nagbutang ug guwardiya adlaw ug gabii.

10 Apan ang mga taga-Juda miingon: “Gikapoy na ang mga tigpas-an, ug daghan pa kaayog hakotonon. Dili na namo mahuman ang paril.”

11 Ug ang among mga kaaway nagsigeg ingon: “Makurat na lang sila nga naa na ta sa ilang taliwala, dayon pamatyon nato sila aron mahunong ang trabaho.”

12 Dihang mangabot ang mga Hudiyo nga nagpuyo duol kanila, sila balikbalik* nga moingon: “Sulongon ta nila gikan sa lainlaing direksiyon.”

13 Busa nagbutang kog mga guwardiya sa likod sa paril, sa kinaubsan ug daling sudlon nga mga dapit. Ang ilang puwesto duol ra sa ilang pamilya ug sila may mga espada, bangkaw, ug pana. 14 Pagkakita nako nga nangahadlok sila, giingnan dayon nako ang mga halangdon,+ mga opisyal, ug ang tanang Hudiyo: “Ayaw mog kahadlok nila.+ Hinumdomi ninyo si Jehova, ang Usa nga gamhanan ug kahibulongan.+ Pakig-away mo para sa inyong mga igsoon, anak, asawa, ug panimalay.”

15 Pagkadungog sa among mga kaaway nga nasayran namo ang ilang plano ug nga gipakyas kana sa matuod nga Diyos, kaming tanan namalik sa pagtukod sa paril. 16 Sukad niadto, katunga sa mga lalaki ang magtrabaho+ ug ang katunga magkupot ug mga bangkaw, taming, ug pana, ug magsul-ob ug panagang sa lawas. Ug ang mga prinsipe+ anaa sa luyo ug mitabang sa tibuok banay ni Juda 17 nga nagtukod sa paril. Ang mga tigpas-an nagtrabaho samtang ang ilang pikas kamot nagkupot ug hinagiban.* 18 Ug ang matag magtutukod nagtakin ug espada samtang nagtrabaho, ug ang tighuyop sa budyong+ diha sa akong tapad.

19 Dayon ako miingon sa mga halangdon, mga opisyal, ug sa tanang Hudiyo: “Dako kaayo ang trabaho, ug nag-ayo ta sa paril nga lagyo sa usag usa. 20 Kon madungog ninyo ang tingog sa budyong, pagtapok mo kon asa mi. Ang atong Diyos makig-away alang nato.”+

21 Busa kami padayong nagtrabaho samtang ang katunga nagkupot ug mga bangkaw, gikan sa pagbanagbanag hangtod sa gabii. 22 Ug ako miingon sa katawhan: “Ang matag lalaki uban sa iyang tig-alagad magpabilin sa Jerusalem kada gabii. Sila magguwardiya kanato magabii ug magtrabaho maadlaw.” 23 Busa ako, ang akong mga igsoon, mga tig-alagad,+ ug ang mga guwardiya nga misunod kanako wala maghukas sa among mga besti,* ug kami nagkupot kanunay sa among hinagiban sa tuong kamot.

5 Apan dihay mga lalaki uban sa ilang mga asawa nga mireklamo bahin sa ilang mga igsoong Hudiyo.+ 2 Ang pipila miingon: “Daghan mig anak nga lalaki ug babaye. Nagkinahanglan mig lugas aron makakaon ug mabuhi.” 3 Ang uban miingon: “Gigarantiya namo ang among mga uma, ubasan, ug mga balay aron makabaton mig lugas sa panahon nga nihit ang pagkaon.” 4 Ug dihay miingon: “Giprenda namo ang among mga uma ug ubasan aron makabayad mig buhis* sa hari.+ 5 Kami ug ang among kaigsoonan pareho ra man untang mga Hudiyo, ang among mga anak pareho ra sa ilang mga anak. Apan kinahanglan namong ipaulipon kanila ang among mga anak, gani ang uban namong anak nga babaye nahimo nang ulipon.+ Wala miy mahimo kay ang among mga uma ug ubasan gipanag-iya na sa uban.”

6 Pagkadungog nako niini, nasuko ko pag-ayo. 7 Gipamalandong nako kini, ug akong nakita nga daotan ang gihimo sa mga halangdon ug sa mga opisyal. Busa giingnan nako sila: “Inyong gipatuboan* ang utang sa inyong mga igsoon.”+

Unya nagpatawag kog dakong tigom aron sulbaron ang problema. 8 Ug giingnan nako sila: “Gipaningkamotan namog maayo nga malukat ang atong mga igsoong Hudiyo nga gibaligya ngadto sa kanasoran. Karon ibaligya na ba hinuon ninyo ang inyong mga igsoon,+ ug unya lukaton na sab namo sila?” Niini sila wala makatingog ug walay ikasulti. 9 Dayon ako miingon: “Dili maayo ang inyong gibuhat. Dili ba angay mong magpakitag kahadlok sa atong Diyos+ aron dili ta tamayon sa kanasoran, sa atong mga kaaway? 10 Kami sa akong mga igsoon ug mga tig-alagad nagpahulam sab ug salapi ug mga lugas, apan walay tubo. Palihog, undanga ninyo ang pagpahulam nga may tubo.+ 11 Palihog, iuli karon mismong adlawa ang ilang mga uma,+ ubasan, kaolibohan, ug ang ilang mga balay, ingon man ang ikausa ka gatos* nga bahin sa salapi, lugas, bag-ong bino, ug lana nga inyong gipangayo kanila ingong tubo.”

12 Niini sila miingon: “Iuli namo kini, ug dili na mi maningil nila. Buhaton namo ang tanan nimong gisulti.” Busa akong gipatawag ang mga saserdote ug gipapanumpa kadtong mga tawhana nga tumanon kini nga saad. 13 Unya giyabyab nako ang akong besti* ug miingon: “Hinaot iyabyab sab sa matuod nga Diyos ang balay ug mga katigayonan niadtong dili motuman niini nga saad, ug wala gyoy mabilin kaniya.” Dayon ang tanan diha sa kongregasyon miingon: “Amen!”* Ug gidayeg nila si Jehova ug gituman ang ilang saad.

14 Sulod sa 12 ka tuig nga natudlo ko ingong gobernador+ sa Juda, gikan sa ika-20 nga tuig+ hangtod sa ika-32 nga tuig+ sa pagmando ni Haring Artajerjes,+ ako o ang akong mga igsoon wala mokaon sa pagkaon nga gitagana para sa gobernador.+ 15 Apan ang mga gobernador nga nauna kanako nagpabug-at sa katawhan ug nangolektag 40 ka siklo* nga plata* para sa pagkaon ug bino kada adlaw. Ang ilang mga tig-alagad nagdaogdaog sab sa katawhan. Apan wala nako kana buhata+ kay naa koy kahadlok sa Diyos.+

16 Gawas pa, ako ug ang akong mga tig-alagad mitabang sa pagtukod sa paril, ug wala miy gikuha nga uma.+ 17 Dunay 150 ka Hudiyo ug mga opisyal nga mokaon uban kanako, gawas pa niadtong nanganhi gikan sa ubang nasod. 18 Kada adlaw magpaihaw kog usa ka torong baka, unom ka tambok nga karnero, ug mga langgam. Kausa sa matag 10 ka adlaw, mag-andam kog lainlaing matang sa bino. Bisan pa niana, wala ko mangayog pagkaon nga para sa gobernador kay nahibalo ko nga bug-at na ang ilang ginahimo nga pag-alagad. 19 Ug miampo ko: “Oh Diyos ko, hinaot imong hinumdoman ug panalanginan ang tanan nakong gibuhat para niini nga katawhan.”+

6 Pagkahibalo ni Sanbalat, Tobias,+ Gesem nga Arabiano,+ ug sa uban namong kaaway nga akong natukod pag-usab ang paril+ ug wala nay kal-ang niana (bisag wala pa mataod ang pultahan sa mga ganghaan),+ 2 si Sanbalat ug Gesem nagpadala dayon niini nga mensahe: “Anhi dinhi, magkita ta sa usa sa mga baryo sa Kapatagan sa Ono.”+ Apan may daotan silang plano kanako. 3 Busa nagpadala kog mga mensahero kanila, nga nag-ingon: “Daghan kog trabaho, dili ko makalugsong. Kon moanha ko, mahunong ang trabaho.” 4 Kaupat nila gipadala ang samang mensahe, apan mao ra gihapon ang akong tubag.

5 Sa ikalimang higayon, gipadala ni Sanbalat sa iyang tig-alagad ang mao gihapong mensahe, ug nagdala kinig bukas nga sulat. 6 Kini mabasa: “Nabaniog na sa mga nasod nga ikaw ug ang mga Hudiyo nagplanong morebelde,+ ug mao sab ni ang giingon ni Gesem.+ Mao diay nga imong gitukod ang paril. Ug sumala sa balita, ikaw ang mahimo nilang hari. 7 Nagtudlo pa kuno kag mga propeta* nga maoy moproklamar nimo sa tibuok Jerusalem, nga nag-ingon, ‘Duna nay hari ang Juda!’ Ug seguradong mabalitaan kini sa atong hari. Busa anhi dinhi, ug ato kining estoryahan.”

8 Apan kini ang akong gipadalang tubag kaniya: “Dili tinuod ang imong gipanulti, inimbento ra na nimo.” 9 Kay ginahadlok mi nila, ug sila nagaingon: “Ang ilang mga kamot manghawoy sa pagtrabaho, ug dili nila kana mahuman.”+ Dayon miampo ko: “Oh Diyos, lig-ona ang akong mga kamot.”+

10 Samtang si Semaias nga anak ni Delaias nga anak ni Mehetabel nagtago sa iyang balay, giadto nako siya. Siya miingon: “Magkita ta sa balay sa matuod nga Diyos, sa sulod sa templo, ug atong sirhan ang mga pultahan niini. Kay inigkagabii, sila mangabot sa pagpatay kanimo.” 11 Apan ako mitubag: “Ako nga gobernador moikyas? Makasulod ba ko sa templo nga dili silotag kamatayon?+ Di ko mosulod!” 12 Akong nasabtan nga wala siya sugoa sa Diyos, apan gisuholan siya ni Tobias ug Sanbalat+ aron managna batok kanako. 13 Gisuholan siya aron hadlokon ko ug makahimog sala. Sa ingon, madaot nila ang akong dungog ug ila kong mapakaulawan.

14 Oh Diyos ko, ayaw palabya ang gibuhat ni Tobias+ ug Sanbalat, ug sa babayeng propeta nga si Noadias ug sa ubang propeta nga nagsigeg panghadlok nako.

15 Ang paril nahuman sa ika-25 nga adlaw sa Elul,* sulod sa 52 ka adlaw.

16 Dihang nahibaloan kini sa tanan namong kaaway ug nakita kini sa palibot nga mga nasod, sila naulaw pag-ayo,*+ ug naamgohan nila nga nahuman namo ang paril tungod sa tabang sa among Diyos. 17 Niadtong panahona ang mga halangdon+ sa Juda nagpadalag daghang sulat kang Tobias, ug iya kanang gitubag. 18 Daghan sa Juda ang nanumpa nga modapig kaniya, kay siya umagad ni Secanias nga anak ni Arah,+ ug ang iyang anak nga si Jehohanan naminyo sa anak nga babaye ni Mesulam+ nga anak ni Berekias. 19 Kanunay sab ko nilang sultihan ug maayong mga butang bahin kaniya, unya ilang itug-an kaniya ang akong isulti. Dayon si Tobias magpadalag mga sulat aron hadlokon ko.+

7 Dihang natukod na pag-usab ang paril,+ gitaod dayon nako ang mga pultahan.+ Unya nagtudlo kog mga magbalantay sa ganghaan,+ mga mag-aawit,+ ug mga Levihanon.+ 2 Dayon akong gitudlo nga magdumala sa Jerusalem si Hanani+ nga akong igsoon, kauban si Hananias nga pangulo sa Kuta,+ kay siya mas kasaligan ug mahinadlokon sa matuod nga Diyos+ kay sa uban. 3 Ug giingnan nako sila: “Ablihan lang ninyo ang mga ganghaan sa Jerusalem kon taas na ang adlaw. Dayon sirad-an ug trangkahan kini sa mga magbalantay sa dili pa mosalop ang adlaw. Ug pagtudlog mga guwardiya gikan sa mga molupyo sa Jerusalem, ang uban mopuwesto sa espesipikong mga dapit, ug ang uban anha atubangan sa ilang balay.” 4 Karon ang siyudad lapad ug dako, ug diyutay pa lang ang namuyo sulod niini+ ug pipila pa lang ang mga balay.

5 Apan gibutang sa Diyos sa akong kasingkasing nga tigomon ang mga halangdon, mga opisyal, ug ang katawhan aron malista sila sumala sa ilang kagikan.+ Unya akong nakit-an ang basahon sa talaan sa kagikan niadtong unang namauli, ug kini ang nahisulat:

6 Ug mao kini ang katawhan sa probinsiya* nga migula gikan sa pagkabihag, kinsa gidestiyero ni Haring Nabucodonosor+ sa Babilonya+ ug kinsa sa ulahi namalik sa Jerusalem ug Juda, sa ilang tagsatagsa ka siyudad.+ 7 Sila namalik uban kang Zorobabel,+ Jesua,+ Nehemias, Azarias, Raamias, Nahamani, Mardokeo, Bilsan, Misperet, Bigvai, Nehum, ug Baana.

Mao kini ang gidaghanon sa mga lalaking Israelinhon:+ 8 mga anak* ni Paros, 2,172; 9 mga anak ni Sepatias, 372; 10 mga anak ni Arah,+ 652; 11 mga anak ni Pahat-moab,+ pinaagi sa iyang mga kaliwat nga si Jesua ug Joab,+ 2,818; 12 mga anak ni Elam,+ 1,254; 13 mga anak ni Zatu, 845; 14 mga anak ni Zacai, 760; 15 mga anak ni Binui, 648; 16 mga anak ni Bebai, 628; 17 mga anak ni Azgad, 2,322; 18 mga anak ni Adonikam, 667; 19 mga anak ni Bigvai, 2,067; 20 mga anak ni Adin, 655; 21 mga anak ni Ater, sa panimalay ni Ezequias, 98; 22 mga anak ni Hasum, 328; 23 mga anak ni Bezai, 324; 24 mga anak ni Harip, 112; 25 mga molupyo sa Gabaon,+ 95; 26 mga lalaki sa Betlehem ug Netopa, 188; 27 mga lalaki sa Anatot,+ 128; 28 mga lalaki sa Bet-azmavet, 42; 29 mga lalaki sa Kiriat-jearim,+ Kepira, ug Beerot,+ 743; 30 mga lalaki sa Rama ug Geba,+ 621; 31 mga lalaki sa Mikmas,+ 122; 32 mga lalaki sa Bethel+ ug Ai,+ 123; 33 mga lalaki sa laing Nebo, 52; 34 mga anak sa usa pa ka Elam, 1,254; 35 mga anak ni Harim, 320; 36 mga molupyo sa Jerico, 345; 37 mga anak sa Lod, Hadid, ug Ono,+ 721; 38 mga molupyo sa* Senaa, 3,930.

39 Ang mga saserdote:+ mga anak ni Jedaia sa panimalay ni Jesua, 973; 40 mga anak ni Imer, 1,052; 41 mga anak ni Pasur,+ 1,247; 42 mga anak ni Harim,+ 1,017.

43 Ang mga Levihanon:+ mga anak ni Jesua, kang Kadmiel,+ nga mga anak ni Hodeva, 74. 44 Ang mga mag-aawit:+ mga anak ni Asap,+ 148. 45 Ang mga magbalantay sa ganghaan:+ mga anak ni Salum, mga anak ni Ater, mga anak ni Talmon, mga anak ni Akub,+ mga anak ni Hatita, mga anak ni Sobai, 138.

46 Ang mga alagad sa templo:*+ mga anak ni Ziha, mga anak ni Hasupa, mga anak ni Tabaot, 47 mga anak ni Keros, mga anak ni Sia, mga anak ni Padon, 48 mga anak ni Lebana, mga anak ni Hagaba, mga anak ni Salmai, 49 mga anak ni Hanan, mga anak ni Gidel, mga anak ni Gahar, 50 mga anak ni Reaias, mga anak ni Rezin, mga anak ni Nekoda, 51 mga anak ni Gazam, mga anak ni Uza, mga anak ni Pasea, 52 mga anak ni Besai, mga anak ni Meunim, mga anak ni Nepusesim, 53 mga anak ni Bakbuk, mga anak ni Hakupa, mga anak ni Harhur, 54 mga anak ni Bazlit, mga anak ni Mehida, mga anak ni Harsa, 55 mga anak ni Barkos, mga anak ni Sisera, mga anak ni Temah, 56 mga anak ni Nezia, mga anak ni Hatipa.

57 Ang mga anak sa mga alagad ni Solomon:+ mga anak ni Sotai, mga anak ni Soperet, mga anak ni Perida, 58 mga anak ni Jaala, mga anak ni Darkon, mga anak ni Gidel, 59 mga anak ni Sepatias, mga anak ni Hatil, mga anak ni Pokeret-hazebaim, mga anak ni Amon. 60 Ang tanang alagad sa templo*+ ug mga anak sa mga alagad ni Solomon maoy 392.

61 Ug kini ang namalik gikan sa Tel-mela, Tel-harsa, Kerub, Adon ug Imer, apan wala sila makapamatuod nga Israelinhon ang ilang kagikan ug ang ilang banay:*+ 62 mga anak ni Delaias, mga anak ni Tobias, mga anak ni Nekoda, 642. 63 Ug sa mga saserdote: mga anak ni Habaias, mga anak ni Hakoz,+ mga anak ni Barzilai, kinsa nangasawag anak ni Barzilai+ nga Gileadnon ug gitawag sa ngalan sa iyang ugangan. 64 Kini sila nangita sa ilang ngalan diha sa listahan sa mga narehistro aron pamatud-an ang ilang kagikan, apan wala nila kini makit-i, busa dili sila kuwalipikado sa pagkasaserdote.*+ 65 Giingnan sila sa gobernador*+ nga dili sila angayng mokaon sa labing balaang mga butang+ hangtod nga dunay saserdote nga makakonsulta sa Urim ug Tumim.*+

66 Ang gidaghanon sa tibuok kongregasyon maoy 42,360,+ 67 gawas pa sa ilang 7,337 ka ulipong lalaki ug babaye;+ duna usab silay 245 ka mag-aawit nga lalaki ug babaye.+ 68 Ang ilang kabayo 736, ang ilang mula 245, 69 ang ilang kamelyo 435, ang ilang asno 6,720.

70 Dihay mga pangulo sa mga banay* nga miamot alang sa buluhaton.+ Ang gobernador* miamot sa tipiganag bahandi ug 1,000 ka bulawang drakma,* 50 ka panaksan, ug 530 ka tag-as nga besti sa mga saserdote.+ 71 Ug ang ubang pangulo sa mga banay* miamot ug 20,000 ka bulawang drakma ug 2,200 ka platang mina.* 72 Ug ang uban pa sa katawhan miamot ug 20,000 ka bulawang drakma, 2,000 ka platang mina, ug 67 ka tag-as nga besti sa mga saserdote.

73 Ug ang mga saserdote, mga Levihanon, mga magbalantay sa ganghaan, mga mag-aawit,+ pipila sa katawhan, mga alagad sa templo,* ug ang uban pa sa Israel namuyo sa ilang mga siyudad.+ Pag-abot sa ikapitong bulan,+ ang mga Israelinhon didto na sa ilang mga siyudad.+

8 Ang tanang katawhan nagtigom nga nagkahiusa sa plasa atubangan sa Ganghaan sa Tubig.+ Unya ilang gisultihan si Esdras+ nga magkokopya* nga dad-on ang basahon sa Balaod ni Moises,+ nga gihatag ni Jehova aron sundon sa Israel.+ 2 Busa sa unang adlaw sa ikapitong bulan, gidala ni Esdras nga saserdote ang Balaod atubangan sa mga lalaki, mga babaye, ug mga bata nga makasabot na.+ 3 Iya kining gibasag kusog+ didto sa plasa atubangan sa Ganghaan sa Tubig, gikan sa banagbanag hangtod sa udto. Ug ang katawhan namati pag-ayo+ sa basahon sa Balaod. 4 Ug si Esdras nga magkokopya* nagtindog sa platapormang kahoy nga gihimo alang niini nga okasyon. Nagtindog sa iyang tuo si Matitias, Sema, Anaias, Urias, Hilkias, ug Maaseias. Ug sa iyang wala si Pedaia, Misael, Malkias,+ Hasum, Has-badana, Zacarias, ug Mesulam.

5 Si Esdras makita sa tanang katawhan kay habog man ang iyang gitindogan. Samtang iyang gibuksan ang basahon, ang katawhan nagtindog. 6 Dayon gidayeg ni Esdras si Jehova, ang matuod nga Diyos ug ang Usa nga gamhanan. Niana ang tibuok katawhan miingon, “Amen!* Amen!”+ ug ilang giisa ang ilang mga kamot. Ug sila miyukbo ug mihapa atubangan ni Jehova. 7 Ug ang mga Levihanon nga si Jesua, Bani, Serebias,+ Jamin, Akub, Sabetai, Hodias, Maaseias, Kelita, Azarias, Jozabad,+ Hanan, ug Pelaias nagpatin-aw sa Balaod ngadto sa katawhan,+ samtang ang katawhan nagtindog. 8 Ug padayon nilang gibasag kusog ang basahon, ang Balaod sa matuod nga Diyos, nga nagpatin-aw ug naghatag sa kahulogan niana. Gitabangan nila ang katawhan nga makasabot sa gibasa.+

9 Ug si Nehemias nga gobernador,* si Esdras+ nga saserdote ug magkokopya,* ug ang mga Levihanon nga nagtudlo sa katawhan miingon sa tibuok katawhan: “Kining adlawa balaan kang Jehova nga inyong Diyos.+ Ayaw mog kasubo o panghilak.” Kay ang tibuok katawhan nanghilak samtang naminaw sa giingon sa Balaod. 10 Si Nehemias miingon sa katawhan: “Lakaw, pangaon mog lami* nga mga pagkaon ug panginom ug tam-is nga mga ilimnon, ug hatagi ninyo+ kadtong mga walay pagkaon kay kining adlawa balaan sa atong Ginoo. Ug ayaw mog kasubo kay ang kalipay nga gikan kang Jehova mao ang inyong salipdanan.”* 11 Ang mga Levihanon miingon sa katawhan: “Hunong na mo sa paghilak ug ayaw nag kaguol kay balaan kining adlawa.” 12 Busa ang katawhan nanglakaw aron mangaon ug manginom ug manghatag ug pagkaon. Sila naglipay pag-ayo+ kay nasabtan nila ang mga pulong nga gibasa kanila.+

13 Sa ikaduhang adlaw, ang mga pangulo sa tanang banay,* mga saserdote, ug mga Levihanon nangadto kang Esdras nga magkokopya* aron mas masabtan nila ang Balaod. 14 Unya ilang nakita nga nasulat sa Balaod nga si Jehova nagsugo pinaagi kang Moises nga ang mga Israelinhon angayng magpuyo sa mga balongbalong* panahon sa pista sa ikapitong bulan.+ 15 Busa gipahibalo nila kini+ sa ilang mga siyudad ug sa tibuok Jerusalem, nga nag-ingon: “Pangadto mo sa kabukiran ug panguha mog labong nga mga sanga sa olibo, sa kahoyng pino, sa mirto ug palma, ug sa uban pang kahoy aron himoong mga balongbalong, sumala sa nasulat.”

16 Ug ang katawhan nangadto sa kabukiran ug nanguha niini aron maghimog balongbalong diha sa atop o nataran sa ilang balay. Ang uban didto naghimo sa hawanan sa balay sa matuod nga Diyos,+ sa plasa sa Ganghaan sa Tubig,+ ug sa plasa sa Ganghaan ni Epraim.+ 17 Ang tanang katawhan nga namalik gikan sa pagkabihag naghimog mga balongbalong ug namuyo niana. Sila naglipay pag-ayo,+ kay dili ingon niini ang pagsaulog sa mga Israelinhon sukad sa adlaw ni Josue+ nga anak ni Nun. 18 Kada adlaw gibasag kusog ang basahon sa Balaod sa matuod nga Diyos,+ sugod sa unang adlaw hangtod sa kataposang adlaw. Ilang gisaulog ang pista sulod sa pito ka adlaw, ug sa ikawalong adlaw dihay solemneng panagkatigom, sumala sa gisugo.+

9 Sa ika-24 nga adlaw niining bulana, ang mga Israelinhon nagtigom ug nagpuasa. Nagsul-ob silag sakong panapton ug nagbutang ug abog sa ilang ulo.+ 2 Unya kadtong mga Israelinhon ug kagikan mibulag gikan sa mga langyaw,+ ug sila mibarog ug misulti sa ilang mga sala ug sa kasaypanan sa ilang katigulangan.+ 3 Sila nagtindog samtang gibasag kusog ang basahon sa Balaod+ ni Jehova nga ilang Diyos sulod sa tulo ka oras,* ug sa laing tulo ka oras sila nagsulti sa ilang mga sala ug nagyukbo kang Jehova nga ilang Diyos.

4 Si Jesua, Bani, Kadmiel, Sebanias, Buni, Serebias,+ Bani, ug Kenani mitindog sa plataporma+ sa mga Levihanon, ug nangamuyo kang Jehova nga ilang Diyos sa kusog nga tingog. 5 Ug ang mga Levihanon nga si Jesua, Kadmiel, Bani, Hasabneias, Serebias, Hodias, Sebanias, ug Petahia miingon: “Tindog ug dayega ninyo si Jehova nga inyong Diyos hangtod sa hangtod.+ Oh Diyos, tugoti silang dayegon ang imong mahimayaong ngalan nga takos sa tanang pagdayeg.

6 “Ikaw lamang mao si Jehova.+ Ikaw ang nagbuhat sa kalangitan, oo, ang langit sa mga langit ug ang tanang panon* niana, sa yuta ug ang tanang naa niana, sa dagat ug ang tanang naa niana. Ug silang tanan imong gitipigang buhi, ug ang panon sa kalangitan nagayukbo kanimo. 7 Ikaw si Jehova ang matuod nga Diyos, nga nagpili kang Abram+ ug nagkuha kaniya gikan sa Ur,+ sa yuta sa mga Caldeanhon, ug naghimo sa iyang ngalan nga Abraham.+ 8 Imong nakita nga siya matinumanon kanimo+ mao nga nakigsaad ka kaniya nga imong ihatag kaniya ug sa iyang mga kaliwat*+ ang yuta sa mga Canaanhon, Hitihanon, Amorihanon, Perizihanon, Jebusihanon, ug sa mga Girgasihanon. Ug gituman nimo ang imong mga saad kay matarong ka.

9 “Imong nakita ang pag-antos sa among mga katigulangan sa Ehipto,+ ug imong nadungog ang ilang pagtuaw didto sa Pulang Dagat. 10 Unya naghimo kag mga ilhanan ug milagro batok sa Paraon ug sa tanan niyang alagad ug sa tanang katawhan sa iyang yuta,+ kay nahibalo ka nga sila milihok nga mapangahason+ batok sa imong katawhan. Tungod sa imong gihimo, nailhan ang imong ngalan hangtod niining adlawa.+ 11 Imong gitunga ang dagat sa ilang atubangan aron makatabok sila niini agi sa mala nga yuta.+ Ug imong gitambog sa kahiladman ang mga naggukod kanila, samag bato nga gilabay sa balorong kadagatan.+ 12 Sa maadlaw gitultolan nimo sila pinaagi sa haligi nga panganod, ug sa magabii pinaagi sa haligi nga kalayo aron mahayagan ang ilang agianan.+ 13 Ug ikaw minaog sa Bukid sa Sinai+ ug nakigsulti kanila gikan sa langit+ ug naghatag kanilag matarong nga mga hukom, kasaligang mga balaod,* maayong mga regulasyon ug mga sugo.+ 14 Imo silang gisugo nga tumanon ang adlawng Igpapahulay ingong balaan,+ ug gihatagan silag mga sugo, regulasyon, ug balaod pinaagi kang Moises nga imong alagad. 15 Dihang gigutom sila gihatagan nimo silag tinapay gikan sa langit,+ dihang giuhaw sila nagpagula kag tubig gikan sa dakong bato,+ ug giingnan nimo sila nga sudlon ug panag-iyahon ang yuta nga imong gipanumpa* nga ihatag kanila.

16 “Apan ang among mga katigulangan milihok nga mapangahason+ ug nagmasinupakon,*+ ug wala nila tumana ang imong mga sugo. 17 Wala sila maminaw,+ ug gikalimtan nila ang katingalahang mga buhat nga imong gihimo kanila. Sila nagmasinupakon* ug nagtudlog pangulo nga modala nilag balik sa pagkaulipon sa Ehipto.+ Apan ikaw maoy Diyos nga andam mopasaylo, mabination* ug maluluy-on, dili daling masuko ug dagaya sa maunongong gugma,+ ug wala nimo sila biyai.+ 18 Bisan pa niadtong nagbuhat silag metal* nga estatuwa sa nating baka ug miingon, ‘Kini mao ang atong Diyos nga nagpagawas nato sa Ehipto,’+ ug nagpakita silag grabeng kawalay-pagtahod kanimo, 19 wala nimo sila biyai sa kamingawan tungod sa imong dakong kaluoy.+ Ang haligi nga panganod padayong nagtultol kanila sa maadlaw ug ang haligi nga kalayo padayong naghayag sa ilang agianan sa magabii.+ 20 Gihatag nimo ang imong espiritu* aron hatagan silag lawom nga pagsabot,+ ug gitagan-an nimo silag mana nga ilang makaon,+ ug tubig nga ilang mainom.+ 21 Sulod sa 40 ka tuig gitagan-an nimo silag pagkaon didto sa kamingawan,+ ug walay nakulang kanila. Ang ilang mga besti wala madunot+ ug ang ilang mga tiil wala manghubag.

22 “Gihatagan nimo silag mga gingharian ug katawhan, ug imong gibahinbahin kanila ang yuta.+ Mao nga ilang napanag-iya ang yuta ni Sihon+ nga hari sa Hesbon,+ apil ang yuta ni Og+ nga hari sa Basan. 23 Ug imong gipadaghan ang ilang mga anak sama sa mga bituon sa langit.+ Unya gidala nimo sila sa yuta nga imong gisaad sa ilang mga katigulangan nga ilang panag-iyahon.+ 24 Busa gipanag-iya sa ilang mga anak ang yuta+ ug imong gitugyan kanila ang mga molupyo sa Canaan,+ ang ilang mga hari ug katawhan, aron buhaton sa mga Israelinhon kanila ang ilang gusto. 25 Ug nailog nila ang pinarilang mga siyudad+ ug ang mabungahong* yuta,+ ug gipanag-iya nila ang mga balay nga puno sa tanang maayong butang, mga gahong nga pondohanag tubig, ubasan, kaolibohan,+ ug mga kahoy nga nagapamunga. Sila nangaon, natagbaw, ug nanambok. Nabuhong sila tungod sa imong dakong kaayo.

26 “Apan sila misupak ug mirebelde kanimo,+ ug gisalikway nila ang imong Balaod.* Ilang gipamatay ang imong mga propeta nga nagpasidaan kanila nga mobalik kanimo. Sila nagpakitag grabeng kawalay-pagtahod kanimo.+ 27 Busa gitugyan nimo sila sa ilang mga kaaway,+ nga kanunayng nagpaantos kanila.+ Apan dihang motuaw sila nimo panahon sa ilang kasakit, ikaw mamati gikan sa langit. Tungod sa imong dakong kaluoy, maghatag kag mga manluluwas sa pagluwas kanila gikan sa ilang mga kaaway.+

28 “Apan dihang maayo na ang ilang kahimtang, mobuhat na sab silag daotan sa imong atubangan,+ ug imong itugyan sila sa ilang mga kaaway, nga magdaogdaog* kanila.+ Unya mobalik na sab sila nimo ug magpatabang,+ ug ikaw mamati gikan sa langit ug balikbalik nga magluwas kanila tungod sa imong dakong kaluoy.+ 29 Bisan pag gipasidan-an nimo sila nga tumanon ang imong Balaod, nagmapahitas-on sila ug wala maminaw sa imong mga sugo.+ Sila nakasala kay gisupak nila ang imong mga regulasyon, nga kon sundon lang unta sa tawo, siya mabuhi.+ Apan sila balikbalik nga mitalikod kanimo, nagmasinupakon,* ug wala mamati. 30 Apan nagpailob ka kanila+ sulod sa daghang katuigan ug padayong nagpasidaan kanila pinaagi sa mga propeta nga imong gihatagan sa imong espiritu, apan sila wala maminaw. Sa kataposan gitugyan nimo sila sa katawhan sa ubang kayutaan.+ 31 Tungod sa imong dakong kaluoy, wala nimo sila puoha+ o biyai kay mabination* ug maluluy-on ka nga Diyos.+

32 “Ug karon, Oh among Diyos, ang Diyos nga gamhanan ug kahibulongan, nga nagatuman sa imong pakigsaad ug nagapakitag maunongong gugma,+ ayawg ibalewala ang tanang kalisdanan nga midangat kanamo, sa among mga hari, mga prinsipe,+ mga saserdote,+ mga propeta,+ katigulangan, ug sa tanan nimong katawhan sukad sa mga adlaw sa mga hari sa Asirya+ hangtod karon. 33 Dili ka namo mabasol sa tanang midangat kanamo kay matarong ka ug kasaligan. Kami ang naghimog daotan.+ 34 Kon bahin sa among mga hari, mga prinsipe, mga saserdote, ug katigulangan, wala nila tumana ang imong Balaod o tagda ang imong mga sugo o pasidaan kanila. 35 Bisan niadtong naa pa sila sa ilang gingharian ug nakapahimulos sa imong dakong kaayo ug nagpuyo pa sa lapad ug mabungahong* yuta nga imong gihatag kanila, sila wala mag-alagad nimo+ ug wala mohunong sa ilang daotang binuhatan. 36 Busa kami karon nahimong mga ulipon+ sa yuta nga imong gihatag sa among katigulangan, nga unta kami ang magpahimulos sa bunga ug sa maayong mga butang niini. 37 Ang abundang abot sa yuta naadto sa mga hari nga imong gitugot nga mosakop namo kay nakasala mi nimo.+ Silay nagbuot namo ug sa among mga hayop, mao nga nag-antos mi pag-ayo.

38 “Tungod niining tanan, mihimo mig sinulat nga kasabotan,+ ug gipalig-on kini pinaagi sa selyo sa among mga prinsipe, mga Levihanon, ug mga saserdote.”+

10 Kini sila ang nagpalig-on sa sinulat nga kasabotan pinaagi sa ilang pagselyo niini:+

9 Ang mga Levihanon sab: si Jesua nga anak ni Azanias, si Binui nga usa sa mga anak ni Henadad, si Kadmiel,+ 10 ug ang ilang mga igsoon nga si Sebanias, Hodias, Kelita, Pelaias, Hanan, 11 Mica, Rehob, Hasabias, 12 Zacur, Serebias,+ Sebanias, 13 Hodias, Bani, ug Beninu.

14 Ang mga pangulo sa katawhan: si Paros, Pahat-moab,+ Elam, Zatu, Bani, 15 Buni, Azgad, Bebai, 16 Adonias, Bigvai, Adin, 17 Ater, Ezequias, Azur, 18 Hodias, Hasum, Bezai, 19 Harip, Anatot, Nebai, 20 Magpias, Mesulam, Hezir, 21 Mesezabel, Zadok, Jadua, 22 Pelatias, Hanan, Anaias, 23 Oseas, Hananias, Hasub, 24 Halohes, Pilha, Sobek, 25 Rehum, Hasabna, Maaseias, 26 Ahias, Hanan, Anan, 27 Maluk, Harim, ug Baana.

28 Ang uban pa sa katawhan​—⁠mga saserdote, Levihanon, magbalantay sa ganghaan, mag-aawit, alagad sa templo,* ug ang tanang mibulag gikan sa mga dili Israelinhon aron mosunod sa Balaod sa matuod nga Diyos,+ uban sa ilang mga asawa, mga anak nga lalaki ug babaye, ug sa tanang may kahibalo ug pagsabot*— 29 miduyog sa ilang kaigsoonan ug mga halangdon. Sila nanumpa nga mailalom sila sa tunglo kon dili nila sundon ang Balaod sa matuod nga Diyos, nga gihatag pinaagi kang Moises nga alagad sa matuod nga Diyos. Nanumpa sab sila nga ilang tumanon ang tanang kasugoan ni Jehova nga among Ginoo, ang iyang hudisyal nga mga hukom, ug mga regulasyon. 30 Dili namo ipaasawa ang among mga anak ngadto sa mga dili Israelinhon, ug dili namo tugtan ang among mga anak nga mabana sa ilang mga anak.+

31 Dili mi mamalit sa mga produkto ug sa bisan unsang matang sa lugas nga ibaligya sa mga dili Israelinhon sa adlawng Igpapahulay+ o sa ubang balaang adlaw.+ Sa ikapitong tuig, papahulayon namo ang yuta+ ug dili na pabayran ang tanang utang.+

32 Kami nanaad nga ang matag usa namo maghatag ug ikatulong bahin sa usa ka siklo* kada tuig alang sa pag-alagad sa balay* sa among Diyos,+ 33 alang sa halad nga tinapay,*+ sa inadlawng halad nga lugas,+ sa halad nga sinunog kada Igpapahulay+ ug bag-ong bulan,+ sa gitakdang mga pista,+ sa balaang mga butang, sa mga halad sa sala+ aron sa pagtabon sa sala sa Israel, ug alang sa tanang buluhaton sa templo.

34 Dugang pa, nagripa* mi kon kanus-a ang turno sa matag banay* sa mga saserdote, mga Levihanon, ug sa katawhan sa pagdalag kahoy sa templo kada tuig. Ang kahoy gamiton ingong sugnod diha sa halaran ni Jehova nga among Diyos, sumala sa Balaod.+ 35 Kada tuig, dalhon namo sa balay ni Jehova ang unang abot sa among uma ug ang unang hinog nga mga bunga sa matag kahoy,+ 36 apil sab ang panganay sa among mga anak nga lalaki ug panganay sa among mga baka, karnero, ug ubang hayop,+ sumala sa Balaod. Dalhon namo kini sa templo, sa mga saserdote nga nag-alagad didto.+ 37 Dalhon namo ang dili pinong harina gikan sa mga unang bunga+ sa among ani, ang among mga amot, ang bunga sa matag kahoy,+ ang bag-ong bino, ug ang lana+ ngadto sa mga saserdote, didto sa tipiganan* sa templo.+ Ihatag namo ang ikapulo sa abot sa among uma ngadto sa mga Levihanon,+ kay sila ang nagadawat sa ikapulo sa tanan namong siyudad nga may mga uma.

38 Ang saserdote, nga kaliwat ni Aaron, kinahanglang presente inigdawat sa mga Levihanon sa ikapulo. Ug angayng dalhon sa mga Levihanon ngadto sa mga tipiganan* sa templo+ ang ikapulo nga bahin sa ikapulo nga ilang nadawat. 39 Angayng dalhon sa mga Israelinhon ug mga Levihanon ngadto sa mga tipiganan* ang mga amot+ nga lugas, bag-ong bino, ug lana.+ Tua didto ang mga galamiton sa sangtuwaryo ug ang mga saserdote, mga magbalantay sa ganghaan, ug mga mag-aawit. Dili gyod namo pasagdan ang balay sa among Diyos.+

11 Karon ang mga prinsipe sa katawhan namuyo sa Jerusalem.+ Apan ang uban sa katawhan nagripa*+ aron may usa* sa matag 10 ka tawo ang mopuyo sa Jerusalem, ang balaang siyudad, samtang ang siyam magpabilin sa ubang siyudad. 2 Naa poy miboluntaryo nga mopuyo sa Jerusalem, ug gidayeg sila sa katawhan.

3 Kini ang mga pangulo sa probinsiya* nga nagpuyo sa Jerusalem. (Ang ubang Israelinhon, mga saserdote, mga Levihanon, mga alagad sa templo,*+ ug mga anak* sa mga sulugoon ni Solomon,+ namuyo sa ubang siyudad sa Juda, ang matag usa sa iyang gipanag-iyang yuta sa siyudad.+

4 Naa poy mga taga-Juda ug Benjamin nga mipuyo sa Jerusalem.) Sa taga-Juda diha si Ataias nga anak ni Uzzias nga anak ni Zacarias nga anak ni Amarias nga anak ni Sepatias nga anak ni Mahalalel nga gikan sa banay ni Perez,+ 5 ug si Maaseias nga anak ni Baruk nga anak ni Colhoze nga anak ni Hazaias nga anak ni Adaia nga anak ni Joiarib nga anak ni Zacarias nga anak ug Selahanon. 6 Ang tanang anak ni Perez nga namuyo sa Jerusalem maoy 468 ka banggiitang lalaki.

7 Sa taga-Benjamin: si Sallu+ nga anak ni Mesulam nga anak ni Joed nga anak ni Pedaia nga anak ni Kolaias nga anak ni Maaseias nga anak ni Itiel nga anak ni Jesaias, 8 dayon si Gabai ug Salai, 928; 9 ug si Joel nga anak ni Zikri maoy nagdumala kanila sa siyudad, ug si Juda nga anak ni Hasenua mao ang ikaduhang tigdumala.

10 Sa mga saserdote: si Jedaia nga anak ni Joiarib, si Jakin,+ 11 si Seraias nga anak ni Hilkias nga anak ni Mesulam nga anak ni Zadok nga anak ni Meraiot nga anak ni Ahitub,+ nga sinaligan sa balay* sa matuod nga Diyos, 12 ug ang ilang kaigsoonan nga nagabuhat sa buluhaton sa templo, 822; ug si Adaia nga anak ni Jeroham nga anak ni Pelalias nga anak ni Amzi nga anak ni Zacarias nga anak ni Pasur+ nga anak ni Malkias, 13 ug ang iyang kaigsoonan, mga pangulo sa mga banay,* 242; ug si Amassai nga anak ni Azarel nga anak ni Azai nga anak ni Mesilemot nga anak ni Imer, 14 ug ang ilang kaigsoonan nga mga kusgan ug isog, 128. Ang nagdumala kanila mao si Zabdiel, membro sa usa ka prominenteng pamilya.

15 Ug sa mga Levihanon: si Semaias+ nga anak ni Hasub nga anak ni Azrikam nga anak ni Hasabias nga anak ni Buni, 16 ug si Sabetai+ ug Jozabad,+ mga pangulo sa mga Levihanon nga nagdumala sa mga buluhaton sa gawas sa templo; 17 ug si Matanias,+ nga tigdumala sa pag-awit ug nanguna sa mga pagdayeg panahon sa pag-ampo,+ nga anak ni Miqueas nga anak ni Zabdi nga anak ni Asap,+ ug si Bakbukias nga iyang asistant, ug si Abda nga anak ni Samua nga anak ni Galal nga anak ni Jedutun.+ 18 Ang tanang Levihanon sa balaang siyudad maoy 284.

19 Ug ang mga magbalantay sa ganghaan mao si Akub, si Talmon,+ ug ang ilang kaigsoonan, 172.

20 Ang ubang Israelinhon, mga saserdote, ug mga Levihanon, namuyo sa ubang siyudad sa Juda, ang matag usa sa iyang kaugalingong yuta.* 21 Ang mga alagad sa templo*+ nagpuyo sa Opel.+ Si Ziha ug Gispa maoy nagdumala sa mga alagad sa templo.*

22 Ang tigdumala sa mga Levihanon sa Jerusalem mao si Uzi nga anak ni Bani nga anak ni Hasabias nga anak ni Matanias+ nga anak ni Mica, sa banay ni Asap nga mga mag-aawit. Siya ang nagdumala sa mga buluhaton sa templo. 23 Ug dunay mando ang hari para nila,+ ug dunay regular nga tagana para sa mga mag-aawit base sa ilang adlaw-adlawng panginahanglan. 24 Si Petahia nga anak ni Mesezabel, sa banay ni Zera nga anak ni Juda, maoy magtatambag* sa hari sa tanang butang maylabot sa katawhan.

25 Ang uban sa katawhan sa Juda mipuyo sa Kiriat-arba,+ Dibon, Jekabzeel.+ Namuyo sab sila sa mga lungsod ug mga komunidad nga sakop* niini. 26 Ang uban mipuyo sa Jesua, Molada,+ Bet-pelet,+ 27 Hazar-sual,+ Beer-seba, ug sa mga lungsod nga sakop* niini, 28 sa Ziklag,+ Mecona, ug sa mga lungsod nga sakop* niini, 29 sa En-rimon,+ Zora,+ Jarmut, 30 Zanoa,+ Adulam ug sa mga komunidad niini, sa Lakis+ ug sa kaumahan niini, sa Azeka+ ug sa mga lungsod nga sakop* niini. Sila mipuyo* sa Beer-seba hangtod sa Walog sa Hinnom.+

31 Ang katawhan sa Benjamin mipuyo sa Geba,+ Mikmas, Aija, Bethel,+ ug sa mga lungsod nga sakop* niini, 32 sa Anatot,+ Nob,+ Ananias, 33 Hazor, Rama,+ Gitaim, 34 Hadid, Zeboim, Nebalat, 35 Lod, ug Ono,+ ang walog sa mga artesano.* 36 Ug dunay mga Levihanon sa Juda nga namalhin sa Benjamin.

12 Kini ang mga saserdote ug mga Levihanon nga mitungas uban kang Zorobabel+ nga anak* ni Sealtiel+ ug kang Jesua:+ si Seraias, Jeremias, Esdras, 2 Amarias, Maluk, Hatus, 3 Secanias, Rehum, Meremot, 4 Ido, Ginetoi, Abias, 5 Mijamin, Maadias, Bilga, 6 Semaias, Joiarib, Jedaia, 7 Sallu, Amok, Hilkias, ug Jedaia. Sila ang mga pangulo sa mga saserdote ug sa ilang kaigsoonan panahon ni Jesua.

8 Ang mga Levihanon mao si Jesua, Binui, Kadmiel,+ Serebias, Juda, ug si Matanias+ nga nagdumala sa mga awit sa pagpasalamat uban sa iyang kaigsoonan. 9 Si Bakbukias ug Uni nga ilang mga igsoon nagtindog sa ilang atubangan nga nagbantay.* 10 Si Jesua amahan ni Joiakim, ug si Joiakim amahan ni Eliasib, ug si Eliasib+ amahan ni Joiada.+ 11 Si Joiada amahan ni Jonatan, ug si Jonatan amahan ni Jadua.

12 Sa panahon ni Joiakim, kini ang mga saserdote ug mga pangulo sa mga banay:* sa banay ni Seraias,+ si Meraias; sa banay ni Jeremias, si Hananias; 13 sa banay ni Esdras,+ si Mesulam; sa banay ni Amarias, si Jehohanan; 14 sa banay ni Maluki, si Jonatan; sa banay ni Sebanias, si Jose; 15 sa banay ni Harim,+ si Adna; sa banay ni Meraiot, si Helkai; 16 sa banay ni Ido, si Zacarias; sa banay ni Gineton, si Mesulam; 17 sa banay ni Abias,+ si Zikri; sa banay ni Miniamin, . . .;* sa banay ni Moadias, si Piltai; 18 sa banay ni Bilga,+ si Samua; sa banay ni Semaias, si Jehonatan; 19 sa banay ni Joiarib, si Matenai; sa banay ni Jedaia,+ si Uzi; 20 sa banay ni Salai, si Kalai; sa banay ni Amok, si Eber; 21 sa banay ni Hilkias, si Hasabias; sa banay ni Jedaia, si Netanel.

22 Sa panahon ni Eliasib, Joiada,+ Johanan, ug Jadua, ang mga pangulo sa mga banay* sa mga Levihanon ug sa mga saserdote girekord hangtod sa panahon ni Haring Dario nga Persianhon.

23 Ang mga pangulo sa mga banay* sa mga Levihanon girekord sa basahon sa kasaysayan, hangtod sa panahon ni Johanan nga anak ni Eliasib. 24 Ang mga pangulo sa mga Levihanon mao si Hasabias, Serebias, ug Jesua+ nga anak ni Kadmiel,+ ug ang ilang kaigsoonan nagtindog atbang nila aron magtanyag ug pagdayeg ug pasalamat sumala sa sugo ni David+ nga tawo sa matuod nga Diyos, nga ang usa ka grupo sa mga bantay nagpuwesto tapad sa laing grupo. 25 Si Matanias,+ Bakbukias, Abdias, Mesulam, Talmon, ug Akub+ maoy mga magbalantay sa ganghaan,+ nga nagbantay sa mga tipiganan duol sa mga ganghaan sa templo. 26 Sila nag-alagad sa panahon ni Joiakim nga anak ni Jesua+ nga anak ni Jozadak, ug sa panahon ni Nehemias nga gobernador ug ni Esdras+ nga saserdote ug magkokopya.*

27 Sa inagurasyon sa paril sa Jerusalem, ang mga Levihanon sa lainlaing dapit gipaadto sa Jerusalem aron malipayong saulogon ang inagurasyon uban ang mga awit sa pagpasalamat,+ nga giduyogan ug mga simbal, dekuwerdas nga mga instrumento, ug mga alpa. 28 Ug nagtigom ang mga anak sa mga mag-aawit* nga gikan sa distrito,* sa palibot sa Jerusalem, sa mga komunidad sa mga Netopahanon,+ 29 sa Bet-gilgal,+ ug sa kaumahan sa Geba+ ug Azmavet,+ kay ang mga mag-aawit namuyo sa mga komunidad palibot sa Jerusalem. 30 Ug ang mga saserdote ug mga Levihanon nagbalaan* sa ilang kaugalingon, sa katawhan,+ sa mga ganghaan,+ ug sa paril.+

31 Unya akong gidala ang mga prinsipe sa Juda ibabaw sa paril. Dayon nagtudlo kog duha ka dagkong grupo sa mga mag-aawit sa pagpasalamat sa Diyos, ug mga tawo nga moparada sunod kanila ibabaw sa paril. Ang unang grupo padulong sa tuo didto sa Ganghaan sa mga Tapok sa Abo.+ 32 Si Hosaia ug ang katunga sa mga prinsipe sa Juda misunod kanila, 33 maingon man si Azarias, Esdras, Mesulam, 34 Juda, Benjamin, Semaias, ug Jeremias. 35 Kauban nila ang pipila sa mga anak sa mga saserdote nga nagdalag mga trompeta:+ si Zacarias nga anak ni Jonatan nga anak ni Semaias nga anak ni Matanias nga anak ni Micaias nga anak ni Zacur nga anak ni Asap,+ 36 ug ang iyang mga igsoon nga si Semaias, Azarel, Milalai, Gilalai, Maai, Netanel, Juda, ug Hanani, nga nagdalag mga instrumento sa musika ni David+ nga tawo sa matuod nga Diyos. Ug si Esdras+ nga magkokopya* nag-una kanila. 37 Miagi sila sa Ganghaan sa Tuboran+ ug nalabyan nila ang Hagdanan+ sa Siyudad ni David.+ Sila nanungas sa paril nga mas habog kay sa Balay ni David ug mideretso sa Ganghaan sa Tubig+ sa sidlakan.

38 Ang usa pa ka grupo sa mga mag-aawit sa pagpasalamat sa Diyos milakaw sa pikas direksiyon,* ug gisundan nako kini kauban ang katunga sa katawhan agi sa paril ibabaw sa Torre sa mga Hudno+ ug sa Lapad nga Paril,+ 39 dayon sa Ganghaan ni Epraim,+ sa Ganghaan sa Karaang Siyudad,+ sa Ganghaan sa Isda,+ sa Torre ni Hananel,+ sa Torre sa Mea, sa Ganghaan sa Karnero,+ ug kami mihunong sa Ganghaan sa Guwardiya.

40 Sa kataposan ang duha ka grupo sa mga mag-aawit sa pagpasalamat sa Diyos nagtindog sa templo, apil ko ug ang katunga sa mga opisyal, 41 apil sab ang mga saserdote nga si Eliakim, Maaseias, Miniamin, Micaias, Elioenai, Zacarias, ug Hananias, nga nagdalag mga trompeta. 42 Didto sab si Maaseias, Semaias, Eleasar, Uzi, Jehohanan, Malkias, Elam, ug Ezer. Ug ang mga mag-aawit miawit ug kusog ubos sa pagdumala ni Izrahias.

43 Niadtong adlawa daghan silag gihalad, ug sila nagsadya+ kay gilipay sila pag-ayo sa matuod nga Diyos. Ang mga babaye ug mga kabataan nagsadya sab,+ mao nga ang pagsadya sa Jerusalem madungog sa layo.+

44 Niadtong adlawa dihay gitudlo nga mga lalaki nga magdumala sa mga tipiganan+ sa amot,+ sa mga unang bunga,+ ug sa mga ikapulo.+ Tigomon nila ang abot sa kaumahan sa mga siyudad nga gipangayo sa Balaod+ para sa mga saserdote ug Levihanon.+ May dakong kalipay sa Juda tungod sa pag-alagad sa mga saserdote ug mga Levihanon. 45 Ug gituman nila ang buluhaton nga gisugo sa Diyos ug ang ilang obligasyon sa pagbalaan.* Gituman sab sa mga mag-aawit ug mga magbalantay sa ganghaan ang instruksiyon ni David ug ni Solomon nga iyang anak. 46 Kay sa panahon ni David ug Asap, dihay mga tigdumala* sa mga mag-aawit ug sa mga awit sa pagdayeg ug pagpasalamat sa Diyos.+ 47 Sa mga panahon ni Zorobabel+ ug Nehemias, ang tanang Israelinhon nagtagana sa inadlawng panginahanglan sa mga mag-aawit+ ug mga magbalantay sa ganghaan.+ Naggahin sab sila para sa panginahanglan sa mga Levihanon,+ ug ang mga Levihanon naggahin para sa mga kaliwat ni Aaron.

13 Nianang adlawa ang basahon ni Moises gibasa atubangan sa katawhan,+ ug ilang nasayran nga ang mga Ammonhanon ug Moabihanon+ dili puwedeng mahimong sakop sa kongregasyon* sa matuod nga Diyos,+ 2 kay wala nila hatagig pagkaon* ug tubig ang mga Israelinhon. Ila hinuong gisuholan si Balaam sa pagtunglo sa mga Israelinhon.+ Apan ang tunglo gihimo sa among Diyos nga panalangin.+ 3 Pagkadungog nila sa Balaod, ilang gilain gikan sa Israel ang tanang langyaw ug kagikan.*+

4 Una pa niini, ang saserdote nga nagdumala sa mga tipiganan* sa balay* sa among Diyos+ mao si Eliasib,+ nga paryente ni Tobias.+ 5 Gitugotan niya si Tobias nga gamiton ang usa ka dakong tipiganan,* nga pondohanan kaniadto sa mga halad nga lugas, insenso,* ug galamiton, maingon man sa ikanapulo nga bahin sa mga lugas, bag-ong bino, ug lana,+ nga para sa mga Levihanon,+ mag-aawit, ug magbalantay sa ganghaan, apil na ang para sa mga saserdote.+

6 Niining panahona wala ko sa Jerusalem, kay miadto ko kang Haring Artajerjes+ sa iyang ika-32 nga tuig+ nga paghari sa Babilonya. Sa ulahi nananghid ko sa hari nga mobalik ko sa Jerusalem. 7 Pag-abot nako sa Jerusalem, nakita nako ang daotang butang nga gihimo ni Eliasib.+ Gipagamit niya kang Tobias+ ang usa ka tipiganan sa hawanan sa balay sa matuod nga Diyos. 8 Para nako, daotan kaayo kadto mao nga akong gipanglabay ang tanang muwebles ni Tobias sa gawas sa tipiganan.* 9 Dayon akong gipahinloan ang mga tipiganan* ug gipabalik didto ang mga galamiton sa balay sa matuod nga Diyos,+ lakip ang halad nga lugas ug ang insenso.*+

10 Nahibaloan sab nako nga ang bahin sa mga Levihanon+ wala ihatag kanila,+ mao nga ang mga Levihanon ug mga mag-aawit namalik sa ilang mga uma.+ 11 Busa akong gibadlong ang mga opisyal:+ “Nganong gipasagdan ninyo ang balay sa matuod nga Diyos?”+ Unya akong gitigom ang mga Levihanon ug gipabalik sila sa ilang buluhaton. 12 Ug ang katawhan sa Juda nagdala sa ikanapulo nga bahin+ sa mga lugas, bag-ong bino, ug lana ngadto sa mga tipiganan.+ 13 Dayon akong gitudlo si Selemias nga saserdote, si Zadok nga magkokopya,* ug si Pedaia sa mga Levihanon ingong tigdumala sa mga tipiganan. Si Hanan nga anak ni Zacur nga anak ni Matanias maoy ilang asistant, kay sila nailhang kasaligan. Responsibilidad nila ang pag-apod-apod ngadto sa ilang kaigsoonan.

14 Oh Diyos ko, hinumdomi ko+ bahin niini, ug ayawg kalimti ang maunongong gugma nga akong gipakita para sa balay sa akong Diyos ug sa mga buluhaton niini.+

15 Niadtong panahona, may mga tawo sa Juda nga nagtamaktamak sa mga pug-anag bino sa adlawng Igpapahulay.+ Nanghakot silag mga lugas ug nagkarga niini sa mga asno. Nagdala sab silag mga bino, ubas, igos, ug ubang butang ngadto sa Jerusalem sa adlawng Igpapahulay.+ Busa gipasidan-an nako sila nga dili mamaligya nianang adlawa.* 16 Ug ang mga taga-Tiro nga namuyo sa siyudad nagdalag mga isda ug lainlaing klase sa mga tinda, ug gibaligya kini ngadto sa mga taga-Juda ug Jerusalem panahon sa Igpapahulay.+ 17 Busa gibadlong nako ang mga halangdon sa Juda ug giingnan: “Nganong gihimo man ninyo kining daotang butang, ug gipasipalahan ang adlawng Igpapahulay? 18 Dili ba mao sab ni ang gibuhat sa inyong mga katigulangan, mao nga gipadangat sa atong Diyos kining tanang kadaot nganhi kanato ug niining siyudara? Gipasamot hinuon ninyo ang kasuko sa Diyos batok sa Israel pinaagi sa pagpasipala sa Igpapahulay.”+

19 Busa sa mikilumkilom na ug hapit nang magsugod ang Igpapahulay, akong gipasirad-an ang mga pultahan. Nagsugo sab ko nga dili kini ablihan hangtod mahuman ang Igpapahulay. Ug akong gipabantayan ang mga ganghaan sa pipila nako ka tig-alagad aron walay makasulod nga mga baligya sa adlawng Igpapahulay. 20 Mao nga ang mga negosyante nagpalabay ug usa o duha ka gabii sa gawas sa Jerusalem. 21 Dayon gipasidan-an nako sila: “Nganong nagpalabay man mo sa kagabhion atubangan sa paril? Kon usbon pa ni ninyo, mogamit kog puwersa aron abogon mo.” Sukad niadto, dili na sila moadto kon Igpapahulay.

22 Ug gisugo nako ang mga Levihanon nga angay silang magputli kanunay sa ilang kaugalingon ug manganhi ug magbantay sa mga ganghaan aron magpabiling balaan ang adlawng Igpapahulay.+ Hinumdomi sab ko bahin niini, Oh Diyos ko, ug kaluy-i ko sumala sa kadagaya sa imong maunongong gugma.+

23 Niadtong mga adlawa, diha poy mga Hudiyo nga nangasawag mga Asdodnon,+ Ammonhanon, ug Moabihanon.+ 24 Katunga sa ilang mga anak nagsultig Asdodnon ug ang katunga nagsulti sa pinulongan sa lainlaing katawhan, apan walay usa kanila nga makasulti sa pinulongan sa mga Hudiyo. 25 Busa gibadlong nako sila ug gipasidan-an sa paghukom sa Diyos. Ug ang uban nila akong gipabunalan+ ug gipalarot ang ilang buhok ug gipapanumpa sila sa Diyos: “Kamo ug ang inyong mga anak dili angayng makigminyo sa ilang mga anak.+ 26 Dili ba tungod niini nga nakasala si Haring Solomon sa Israel? Walay hari nga parehas niya taliwala sa daghang kanasoran+ ug gimahal siya sa iyang Diyos,+ mao nga ang Diyos naghimo kaniyang hari sa tibuok Israel. Apan tungod sa iyang langyawng mga asawa, siya nakasala.+ 27 Wala ba mo mahibalo niini, maong wala mo magmatinumanon sa Diyos ug gihimo ninyo kining daotan kaayong butang pinaagi sa pagpangasawag mga langyaw?”+

28 Usa sa mga anak ni Joiada+ nga anak ni Eliasib+ nga hataas nga saserdote nangasawa sa anak ni Sanbalat+ nga Horonhon. Busa gipahawa nako siya.

29 Oh Diyos ko, ayaw palabya ang ilang sala kay gihugawan nila ang pagkasaserdote ug ang pakigsaad sa pagkasaserdote+ ug sa mga Levihanon.+

30 Ug gihinloan nako sila gikan sa tanang daotang impluwensiya sa mga langyaw, ug gihatagan nakog buluhaton ang tagsatagsa ka saserdote ug Levihanon,+ 31 ug akong giseguro nga dunay suplay nga kahoy+ sa gitakdang mga panahon, apil na ang unang hinog nga mga bunga.

Hinumdomi ko, Oh Diyos ko, alang sa kaayohan.+