Gigamit Ingong Tun-anang Libro

Ang usa ka inahan sa Italya misulat bahin sa Akong Basahon sa mga Estorya sa Bibliya:

“Ang akong otso-anyos nga anak nga lalaki, si Emanuele, nagdala sa iyang kopya sa libro sa tunghaan aron ipakita sa maestro. Nakurat ang maestro sa unod niini ug miingon: ‘Tipigan ko kiining libroha.’ Nianang buntaga iyang gibasa ang estorya sa Napulo ka Hampak sa klase ug nangatawa ang mga bata bahin sa mga baki nga nanulod sa mga balay, ug nakagusto sila sa larawan. Dayon, ingong homwork, gipasulat ang klase ug mubong bersiyon bahin sa estorya nga gibasa.

“Si Emanuele ug ako natingala tungod kay debotadong Katoliko kining maestraha ug supak sa mga Saksi ni Jehova. Dayon iyang gipakita ang libro sa pari nga tig-anha aron sa pagtudlog relihiyon, nangutana kaniya kon mahimo ba niyang ipadayon ang pagbasa niini ngadto sa mga bata sanglit gipatik man kini sa mga Saksi ni Jehova. Human gibuklad ang mga panid sa libro, miingon ang pari nga maayo kini ug angay sa mga bata. Iyang gisultihan ang maestro nga makahimo siya sa paggamit niini sa iyang mga leksiyon. Busa, halos kada adlaw basahan sa maestro ug estorya ang mga bata, ug pasulaton sila bahin niini o hisgotan kini sa klase.”

Ang Akong Basahon sa mga Estorya sa Bibliya adunay 116 ka estorya sa Bibliya nga maghatag sa magbabasa ug ideya kon unsa gayod ang Bibliya. Dagkog letra ang libro ug adunay kapin sa 125 ka dagkong larawan, ang kadaghanan kanila daghag-kolor. Imong madawat kining bililhon 156-panid nga publikasyon pinaagi sa pagsulat ug sa pagbuson sa kupon.

Palihog padalhi ako, binayran nang prangkiyo, sa gahig-haping libro Akong Basahon sa mga Estorya sa Bibliya, alang niini akong gisukip ang ₱30.00. (Alang sa prisyo sa ubang nasod, palihog pagkontak sa lokal nga opisina sa Watch Tower Society.)