“Usa ka Butang Dili Mapauswag sa Teknolohiya”

ANG tawong nagamentenar sa emerhensiyang linya sa telepono sa Grand Canyon alang sa mga tigbaktas nga nameligro nagaingong “walay mas maayo kay sa usa ka mula” sa pagdala sa iyang kasangkapan ngadto sa dili-maabot nga mga dapit. “Kini usa ka butang nga dili mapauswag sa teknolohiya. Ang helicopter may kahanas, pero kining [hayopa] nalaraw sa pagtrabaho sa akong linya.”

Sa pagpatin-aw sa mga kapeligrohang dili ra balehon sa iyang mula, ang trabahante sa telepono nag-ingon nga “ang yuta titip kaayo sa pila ka dapit nga ikaw manghawid pinaagi sa imong mga kuko, ang imong ilong madapat sa samang yutang imong ginalaktan.” Ang taho sa The New York Times nag-ingon nga kining lisod nga instalasyon “nagakonektar sa 11 ka emerhensiyang telepono ug upat ka estasyon sa magbalantay sa bukid, nga nagataganag serbisyo sa gibanabanang 100,000 ka nameligrong tigbaktas kada tuig.”