Panid Dos

Motabako o dili motabako, kana ang pangutana. Kini kasagaran nga maatubang sa diha nga ikaw tin-edyer. Walay obligasyon nga nalangkit. Kini usa ka desisyon nga kinabubut-ong himoon. Apan sumala sa medikal nga mga awtoridad, kini usa ka desisyon nga mahimong may seryosong mga balos sa imong kinabuhi. Kini makahukom pa kon kanus-a ug sa unsang paagi ikaw mamatay.

Busa, motungha ang hinungdanong mga pangutana: Maayo bang pamatasan ang pag-anunsiyo sa mga produkto sa tabako? Matarong ba sa moral nga ang Kristohanon konong mga nasod mag-eksportar sa ilang mga produkto sa tabako, nga magdiskarga kanila diha sa ubang nasod? Ang mga tigbaligyag sigarilyo nagabaligya bag sakit ug kamatayon? Ug sanglit ang mga tawo mopalabi sa pagtabako, hinungdanon ba kini?