Panid Dos

Mga Pusil Nagdagsang

Kon mas daghan ang mga pusil, mas daghan ang pinusilay, mas daghang mangamatay. Sa Tinipong Bansa gipaulanan sa usa ka mamomosil ug usa ka gatos ka lukon nga bala ang usa ka panon sa mga bata nga nagtungha: 5 ang patay, 29 ang nasamdan. Sa Inglaterra usa ka tawong buang nakapatay ug 16 ka tawo ginamit ang usa ka AK-47 nga riple. Sa Canada usa ka tawong nagdumot sa mga babaye miadto sa Montreal University ug gipatay ang 14 kanila. Sa San Salvador ginabantayan sa mga guwardiya ang supermarket nga may dalang mga shotgun, ug ang mga pumapalit gimandoan sa pagbilin sa ilang mga armas diha sa pultahan.

Nagkadaghang mga babaye namalit na karon ug mga posil. Sila nanagpanon ngadto sa mga natad-tiruhan, nga ginakablit ang lukon sa lukon nga mga bala diha sa samag-tawong gidak-on nga target nga mga poster sa mga lalaki, ginatiro ang tunga sa ilang mga mata. Ang linain nga pagkadesinyong mga pistola alang sa mga babaye himalitan usab.

Ug ayaw kalimti ang mga bata. Usa kini sa kaso taliwala sa daghan: Usa ka diyes-anyos nga batang lalaki “nagkarga ug bala sa riple nga igpangayam sa iyang amahan ug giluthang ngadto sa kamatayon ang usa ka batang babaye kinsa nanghambog nga mas hawod siya kay kaniya diha sa mga dula sa video.”

Ang lumba sa mga armas diha sa balay nagsugod. Asa kini matapos? Kanus-a kini matapos?