Panid Dos

Mga Ampulya sa Shabu—Samag mga bala sa Posil

Ang mga ahensiya sa sulogoon sa balaod naningkamot sa pag-atubang niana. Gipatay sa mga anak ang ilang mga ginikanan tungod sa panginahanglan niana. Ang mga anak gipatay sa ilang mga ginikanan ubos sa impluwensiya niana. Ang umaabot nga mga kinabuhi sa mga bata nga anaa pa sa tagoangkan gidaot niana. Ang mga kasilinganan sa siyudad nangahimong mga panggubatan aron sa pagkontrolar niana. Kadtong walay-pili nga gipatay gihipos diha sa mga bag tungod sa mga epekto niana. Ang mga empliyado sa emergency-room sa mga ospital nahago sa hilabihan tungod niana. Ang mga negosyante sa tanang pangedaron dagko ug ganansiya sa pagpamaligya niana. Kini gitawag nga “ang pangandoy sa negosyante ug mangil-ad nga kasinatian sa tiggamit.”