Panid Dos

Bisan ang Bata sa Tagoangkan Andam Nang Mopakig-away

Pipila ka bulan sa dili pa matawo, ang bata sa tagoangkan nangandam na alang sa pakiggubat. Kini nagagamag mga hinagiban alang sa sistema sa imyunidad. Inigkatawo sa bata, giandam na ang mga depensa niini aron makaalinggat ug makasagang sa langyaw nga mga substansiya. Ang mga antibody nga gikan sa iyang inahan diha sa dugo sa bata, espiso na kay sa iyang inahan. Ang phagocytes nagahulat sa mga tisyu sa bata aron lamyon ang langyaw nga mga manunulong. Kini ug ang ubang mga tigdepensa batok sa sakit anaa sa mga trensera, andam alang sa gubat. Ug angay nga sila maandam, kay inigkatawo, ang bag-ong nahimugsong bata maladlad sa grabe nga pag-atake sa presente-kanunay nga mga mikroorganismo.

Inigkatawo ang sistema sa imyunidad sa bata makadawat ug dakong tabang gikan sa puwersa niini sa pakig-away sa bisan unsang mga manunulong​—ang labing dakong puwersa nagagikan sa unang paglad-ok sa bata sa gatas sa inahan. Ang gatas sa inahan sa maong pila ka adlaw gitawag nga colostrum, ug kini dasok sa nagkalainlaing mga antibody. Kini nagapadala sa bata ngadto sa gubat nga maayong pagkasangkap.

“Inig-abot sa edad nga duha o tulo ka bulan, . . . ang mga tiggamag mga armas diha sa pulang utok sa bukog ug sa thymus puliki kaayong nagatrabaho. Inigka diyes anyos sa bata, ang tawhanong sistema sa imyunidad hilabihan ka puwersado, bug-os armado. Human niana, ang mga gahom niini anam-anam nga madaot.”​—The Body Victorious, mga panid 34-5.

Inigsugod sa kinabuhi, mosugod ang mga gubat, ug dili kini matapos hangtod mabugto ang kataposang ginhawa.

[Picture Credit Line sa panid 2]

Lennart Nilsson