“Wala Gayod Ako Makakitag Ingon nga Organisasyon”

“Nakasusi na ako sa lainlain nga mga relihiyon ug mga sekta,”

misulat ang usa ka tawo sa Mexico. “Apan wala gayod ako makakitag ingon nga organisasyon.” Ang tawo bag-o pang nakahuman sa pagbasa sa brosyur nga Mga Saksi ni Jehova​—Nahiusang Nagabuhat sa Kabubut-on sa Diyos sa Tibuok Kalibotan. Misaysay siya: “Ang labing nakapahingangha kanako mao ang kaugdang sa inyong pagtuman sa sugo nga iwali ang maayong balita sa Gingharian gikan sa balay-balay, diha sa trabahoan, diha sa dalan, diha sa mga bus. Kahibulongan ang pagkakitag mga tawo nga nagaisip nga seryoso kaayo sa kabubut-on sa Diyos niining panahona nga may dako kaayo relihiyosong kasalingkapaw.”

Sayra kon unsay pagtuo sa mga Saksi ni Jehova ug sa unsang paagi sila organisado sa tibuok kalibotan. Kon buot nimong mahibalo kon sa unsang paagi makadawat ug usa ka kopya sa 32-panid nga brosyur nga Mga Saksi ni Jehova​—Nahiusang Nagabuhat sa Kabubut-on sa Diyos sa Tibuok Kalibotan, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga nalista sa panid 5.