Tinuod Bang May Pagtagad ang Diyos?

Nganong iyang gitugotan ang pag-antos?

Matapos ba kini?

Makaiikag nga mga pangutana, dili ba? Sila anaa sa hapin sa usa ka brosyur nga gipatik sa mga Saksi ni Jehova. Nakabasa ka ba niana? Kini nakahatag nag kahupayan ug paglaom sa daghan. Usa ka babayeng taga-Philadelphia, Pennsylvania, T.B.A., misulat mahitungod niining brosyura:

“Wala ako mahibalo nga posibleng han-ayon ang mga pulong sa matahom kaayo ug makapatandog-sa-kasingkasing nga paagi. Nahisama kadtog didto ako sa ngitngit nga lawak ug sa kalit may nagpasiga sa suga; ako nakaamgo: ‘Ang Diyos tinuod nga may pagtagad!’

“Ako usa ka tawo nga mahiligon kanunay ug siyensiya. Busa, ang mga diskurso, mga artikulo, o mga pelikula nga may siyentipikanhong panglantaw makapadasig kanako sa dihang ako mobatig kaluya. Apan, ang maong brosyur dili lang nakapadasig kanako kondili kini nakapatandog usab kanako sa malumo, mahigugmaong paagi.

“Ang unang butang nga makapadani sa imong pagtagad mao ang hapin. Epektibo kini tungod kay sila tinuod man nga mga tawo. Matag usa sa ilang mga nawong nagsumbalik-silaw sa kabalaka bahin sa pangutana nga gipatik sa itom nga dagkong letra, ‘Tinuod Bang May Pagtagad ang Diyos Kanato?’ Kining mga tawhana may mga panagway nga mohulagway sa gibati sa matag usa karong mga adlawa.

“Sayon kaayong sabton ang materyal. Kini yano, nahiangay, ug masabtan. Kini makataronganon. Kahimut-anan ug sayon kaayong basahon nga dihang sugdan nimo kini pagbasa, dili ka na makahunong.”

Kon gusto nimo ang dugang impormasyon, palihog pagsulat sa Watch Tower, P.O. Box 2044, 1099 Manila, o pagsulat sa nahiangay nga direksiyon nga nalista sa panid 5.

[Hulagway sa panid 32]

TINUOD BANG MAY PAGTAGAD ANG DIYOS KANATO?

Kon mao, nganong iyang gitugotan ang pag-antos?

Matapos ba kini?