“Usa ka Bililhong Gasa Alang Kang Bisan Kinsa”

Mao kanay gisulat sa usa ka 82-anyos nga lalaki sa Switzerland mahitungod sa librong Ang Labing Bantogang Tawo nga Nabuhi Sukad. Ang libro, nga unang gipatik niadtong 1991, nagapresentar sulod sa 133 ka kapitulo sa tanang panghitabo sa tawhanong kinabuhi ni Jesus ingon sa natala diha sa upat ka Ebanghelyo. Nganong nalipay kaayo ang magbabasa?

“Ang libro makalingaw nga basahon,” siya misulat. “Dagko ang letra niini ug ekselente ang gramatika, nga dili sama sa daghang ubang libro.” Ang lalaki usab nadani sa kapin sa 200 ka de-kolor nga ilustrasyon, nga “tinuod gayod sa kinabuhi.” Siya midugang: “Ang mga kompas, ang mga ekspresyon sa nawong, ug ang dili kaayo siga nga kolor realistiko kaayo.”

Ang tigulang lalaki misugyot nga ihatag sa mga tawo ang libro ingong usa ka gasa. Iyang giisip kini nga “talagsaon ug matulon-anong libro . . . usa ka bililhong gasa alang kang bisan kinsa.” Mao usab kanay among hunahuna.

Kon buot mong makadawat ug kopya sa Ang Labing Bantogang Tawo nga Nabuhi Sukad o usa ka libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa nahiangayng direksiyon nga gilista sa panid 5.

[Hulagway sa panid 32]

ANG LABING BANTOGANG TAWO NGA NABUHI SUKAD