‘Ang Akong Magtutudlo Mihangyog 20 pa ka Libro’
ANG 17-anyos nga Daniel gihatagag asaynment sa iyang hayskul sa Boston, Massachusetts, T.B.A., sa pag-andam ug impormasyon bahin sa usa ka Asianhong relihiyon. Siya miingon: “Ang magtutudlo nagdasig kanamo sa pag-adto sa librarya alang sa panukiduki. Ako nahibalo nga ang librong Pagpangita sa Katawhan sa Diyos, nga gipatik sa Watch Tower Society, maoy dako kaayong tabang. Gidala ko kadto sa eskuylahan ug gipakita kana sa magtutudlo. Siya nakadayeg kaayo sa pagkadili-madapigon, katukma, ug pangutana-ug-tubag nga paagi niini nga mipedido siyag 20 ka kopya alang sa tibuok klase. Kini sila karon maoy propiedad sa eskuylahan ug gigamit alang sa matag mosunod nga klase. Ang donasyong $50 gihatag sa pagtabang sa atong tibuok-kalibotang edukasyonal nga buluhaton.”
Ang Pagpangita sa Katawhan sa Diyos maoy 384-panid nga libro nga nagsubay sa pagpangita sa katawhan sa Diyos pinaagi sa dagkong mga relihiyon sa kalibotan. Nahubad na kini ngadto sa 34 ka pinulongan, ug kapig 15 ka milyong kopya ang napanagtag. Kon buot nimong mobasa niining makalingawng basahon, palihog kontaka ang mga Saksi ni Jehova sa usa ka Kingdom Hall nga haduol nimo o pagsulat ngadto sa kinadul-ang direksiyon nga makita sa panid 5.