Sila Nag-edukar Kaniya

Usa ka magbabasa sa Ohio, T.B.A., misulat: “Buot ko lang nga masayod kamo kon unsa ka dako ang akong pagpabili sa mga magasing Bantayanang Torre ug Pagmata! Sila tinuod gayod nga mga mutya.” Siya nagpatin-aw kon sa unsang paagi ang pagbasa kanila nag-edukar kaniya.

“Miundang ako sa hayskol 13 ka tuig ang miagi,” siya misulat. “Dili pa dugay, ako gihangyo sa estado nga mokuhag pasulit nga katumbas sa hayskol, nga nailhan pag-ayo ingong GED (General Educational Development) nga pasulit. Aron makaandam niini nga pasulit, ako angayng motambong ug mga klase. Sagad, kon maayo ang nahimo sa usa ka tawo niining mga klaseha, ingon ka dali sa unom ka bulan, mahimo na siyang mokuhag GED nga pasulit. Ako, hinunoa, andam na sa pagkuha niana sulod sa upat ka semana, ug nadawat ko ang taas kaayong marka.

“Ang hinungdan? Halos ang tanan diha sa pasulit​—siyensiya, social studies, ug uban pa​—nakobrehan sa usa ka paagi o sa lain sa miaging mga isyu sa Ang Bantayanang Torre ug Pagmata! Pinaagi sa pagbasa lamang sa mga magasin, ang akong kahanas sa pagbasa, espeling, ug pamunto natipigan. Ngani, wala ko tun-i ang bisan hain nianang mga ulohana. Ang mga klase nga akong gitambongan nakatabang lamang kanako nga bag-ohon ang akong kahanas sa matematika.”

Kon gusto ka ug usa ka kopya sa Ang Bantayanang Torre ug Pagmata! o magtuon sa Bibliya sa balay nga walay bayad, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.