“Nausab ang Akong Hunahuna Bahin sa Katungdanan sa Usa ka Doktor”

SI Akane, usa ka kuwatro-anyos nga batang babaye sa Osaka, Hapon, may komplikadong mga abnormalidad sa kasingkasing​—tricuspid atresia ug atrial septal nga depekto​—diin siya angayng mosagubang ug dakong operasyon sa kasingkasing. Ang iyang mga ginikanan mihangyo sa mga doktor nga himoon ang operasyon nga walay dugo.a

Ang walay-dugo nga pag-opera sa kasingkasing lisod himoon diha sa mga bata tungod sa ilang ubos nga gidaghanon sa dugo. Sa kahimtang ni Akane, ang mga doktor miuyon sa pag-opera nga walay dugo. Nga nagpabanaag sa ilang mga kahanas sa pag-opera, ang operasyon ni Akane nagmalamposon. Dali siyang naulian ug karon nagapahimulos sa mahimsog nga panglawas.

Ang inahan ni Akane misulat sa mga doktor nga nakigbahin sa operasyon, nga nagsukip ug usa ka bag-ong letrato ni Akane. Usa ka anestesiologo mibalos ug sulat sa inahan ni Akane. Sa bahin, ang sulat mabasa:

“Ang katingad-ang pagkaayo ni Akane nakapalipay kanamo. Ako naglisod sa pagpugong sa akong mga luha sa dihang nakita ko ang matahom nga hulagway nga imong gisukip sa imong sulat. Dili ang kalisod sa operasyon kondili ang kalainan sa inyong mga pagtuo ug sa akoa ang nakasamok kanako ug dako. Karon, tungod niining kasinatiana, nausab ang akong hunahuna bahin sa katungdanan sa usa ka doktor. Ang mga doktor angayng magagamit sa ilang malig-ong pagsabot bahin sa medikal nga kahibalo sa pagluwas sa kinabuhi, apan angayng tahoron usab nila ang dignidad ug mga kagustohan sa pasyente.”

[Mga footnote]