Tabang Alang sa mga Batan-ong Nailalom sa Kapit-os

Sa dihang ang usa ka dalagita sa usa ka eskuylahan sa New Jersey, T.B.A., napikal ug migawas sa lawak klasehanan, usa ka kasaring ang misunod kaniya ngadto sa kasilyas sa mga babaye. “Sa dihang naabtan nako siya,” ang kasaring miingon, “siya naghilak ug misugilon kanako mahitungod sa pipila sa iyang mga suliran sa pamilya. Ang iyang mga ginikanan nagdiborsiyo, ug siya miingon nga nalisdan siya sa pagtunong sa pagtagad diha sa iyang buluhaton sa eskuylahan. Gisultian ko niya nga buot niyang molayas.”

Giingnan sa kasaring ang magul-anong dalagita nga buot niyang dad-an siya sa librong Mga Pangutanang Gisukna sa mga Batan-on​—Mga Tubag nga Mosaler. Sa misunod nga adlaw gidala niya kadto, nga gilinginan alang sa iyang higala ang mga ulohan sa mga kapitulo sama sa “Nganong Angay Kong ‘Pasidunggan ang Akong Amahan ug Inahan’?,” “Nganong Nagbulag si Papa ug si Mama?,” “Sa Unsang Paagi Makasukol Ako sa Pagpit-os sa Isigkaingon?,” ug “Angay Bang Mobiya Ako sa Balay?”

“Sa dihang gihatag nako niya ang libro,” ang kasaring miingon, “duha ka laing dalagita ang nakakita niana ug buot mosusi. Nangutana sila kon mahimo ba silang makabaton ug kopya. Busa gihatagan nako ang matag usa kanila ug usa ka kopya sa libro. Ang ubang mga batan-on sa akong klase nakakita sa usa sa mga dalagita nga nagpakli sa mga panid sa libro, ug silang tanan buot nga motan-aw niana. Ang libro gipasapasa sa lawak saringanan nga may pag-uyon sa magtutudlo.”

Kon buot nimo ug kopya sa Mga Pangutanang Gisukna sa mga Batan-on​—Mga Tubag nga Mosaler o buot nimo ug libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.