“Kini Sila Kahibulongan Kaayo!”
“Kanunay akong malingaw pagbasa sa Ang Bantayanang Torre ug Pagmata!, apan sa di pa dugayng katuigan kini sila kahibulongan kaayo nga malisod ang pagpangita ug mga adhetibo sa pagbatbat kanila. Buot nakong ipahayag ang akong apresasyon alang sa impormasyon nga gipahayag sa Oktubre 22 ug Nobyembre 8, 1994, nga mga isyu sa Pagmata! ubos sa mga ulohang “Sa Dihang ang Relihiyon Modapig sa Gubat” ug “Sarajevo—Gikan sa 1914 Hangtod sa 1994.” Ang Bosnia-Serbia-Croatia nga sibil nga gubat maoy komplikado ug makapasubong kahimtang apan usa nga haduol kaayo sa akong kasingkasing ingong usa ka Croatianhon. Ako nakaapresyar ilabina sa paagi nga inyong gisubay ang kasaysayan sa panagbangi ug ang mga sinugdanan niini balik sa 1054. Kini nagpasiugda sa papel sa relihiyon ug sa walay-puas nga mga paningkamot niini nga mitultol sa mas daghang pagkabahinbahin ug pagdumot taliwala niining nasodnong mga pundok. Ikasubo, ang kalibotan karong adlawa makakita lamang sa kinangil-aran niining kinaiyanhong maayo nga mga tawo. Salamat sa makausa pa sa paghimo sa usa ka dili-masabtang kahimtang nga masabtan. [Pinirmahan] M. K.”
Ang Pagmata! nailado sa paghimo ug mainampingong panukiduki ug walay gidapigang pagtaho. Apan usa usab kini ka magasin nga naghatag ug paglaom alang sa usa ka malinawong kaugmaon nga gipasikad sa saad sa Diyos nga ipailalom ang yuta sa pagmando sa iyang Gingharian.
Kon buot nimong mobasa niining magasina nga regular, palihog pakigkita sa mga Saksi ni Jehova sa inyong dapit, o pagsulat sa angayng adres nga nalista sa panid 5 niining maong isyu.
[Picture Credit Line sa panid 32]
Tuo: Culver Pictures