Usa ka Daghag-Gamit, Buloknong Tanom

UNSAY komon tali sa krudo, lawog sa mga baka, sabon, ug margarina? Sa pipila ka nasod kining mga butanga gigama sa tabang sa tanom nga rape, uban sa hayag nga dalag nga bulak niini.

Kining buloknong kabanay sa pamilya sa mustasa, nga gitanom sa mga bahin sa Uropa, Asia, ug Amerika del Norte, ilabinang bililhon tungod sa daghag-lana nga mga liso niini. Hangtod 40 porsiyento sa liso sa rape ang lana, nga mahimong gamiton alang sa daghang butang.

Kadaghanang lana sa liso sa rape​—tingali ingon ka daghan sa 90 porsiyento​—gigamit sa paggama ug pagkaon. Kini gigamit sa paggama ug margarina, mga biskuwit, mga sabaw, sorbetes, ug mga kendi. Apan ang lana sa liso sa rape magamit usab sa paggama ug krudo nga dili kaayo maghugaw sa hangin, sa ingon nagpamenos sa kadaot sa kalikopan. Sa dihang malunsay, ang lana magamit usab sa paggrasa sa delikadong makinarya, ug human makuha kini, ang kinadak-ang bahin sa tanom mahimong dugmokon aron mahimong bloke nga dagaya sa protina ug magamit nga lawog sa hayop.

Pagkadaghag gamit nga tanom! Sa pagkatinuod, kita makapamulong sama sa salmista: “Pagkadaghan sa imong mga buhat, Oh Jehova! Silang tanan sa kamaalamon imong gibuhat.”​—Salmo 104:24.