Literatura sa Bibliya Giapresyar sa Hungaria

Usa ka magtutudlo sa Balmazújváros misulat sa sangang buhatan sa Watch Tower sa Hungaria: “Nakita nako ang usa ka libro nga nakadani sa akong pagtagad. Kon mahimo, palihog padad-i ako ug kopya. Ang ulohan maoy Akong Basahon sa mga Estorya sa Bibliya.” Human masinati niining libroha, usa ka prinsipal sa tunghaan sa Budapest mihangyo: “Buot kaming magpedido ug 20 ka kopya sa Akong Basahon sa mga Estorya sa Bibliya alang sa Tunghaang Elementarya Num. 6.”

Usa ka babaye sa Balatonboglár nga nakabasa sa librong Mga Pangutanang Gisukna sa mga Batan-on​—Mga Tubag nga Mosaler misulat: “Ang libro makapukaw sa hunahuna, ug ang pinasikad-sa-Bibliya nga mga tubag nga gitagana niana maoy tukma. Ang libro nakatabang pag-ayo kanako, ug nakaplagan nako ang mga tubag sa akong mga pangutana. Buot nakong palig-onon pa ang akong pagtuo. Busa, kon mahimo, palihog padad-i ako ug mga publikasyon mahitungod sa Bibliya.”

Ang mga Saksi ni Jehova malipay sa pagtagana ug tabang niadtong kinsa nagtinguha nga mouswag sa kahibalo sa Bibliya. Kon buot nimong makadawat ug kopya sa bisan hain sa mga libro nga nahisgotan sa ibabaw o buot nga adunay moduaw sa imong balay aron sa paghisgot sa Bibliya uban nimo, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga napatik sa panid 5.