Butang nga Gikinahanglan sa mga Batan-on Karong Adlawa

Usa ka 14-anyos nga dalagita sa New Jersey, T.B.A., miingon nga sa mas sayo niining tuiga siya mosulat ug usa ka report bahin sa “Kon Nganong ang mga Estudyante Mangopya sa mga Pasulit.” Gidala niya ang iyang librong Mga Pangutanang Gisukna sa mga Batan-on​—Mga Tubag nga Mosaler sa tunghaan aron manukiduki. Usa sa iyang mga kauban sa tunghaan mipunit niini ug misugod sa pagbasa sa mga ulohan sa mga seksiyon sa kaundan, sama sa “Sekso ug Pamatasan” ug “Pakigdeyt, Gugma, ug ang Kaatbang nga Sekso.”

“Mahimo bang ako na kining libroha?” mihangyo ang kauban sa tunghaan.

“Gisultihan ko siya nga ako kining kopya,” miingon ang estudyante, “apan dalhan ko siyag usa ka kopya. Sa dihang gidalhan ko siya, laing klasmet ang nakakita sa libro ug naghangyo kanako nga dalhan ko usab siyag usa ka kopya. Wala magdugay human niadto, nagdala akog napulo sa mga librong Gisukna sa mga Batan-on alang sa mga estudyante nga gusto ug kopya.”

Gibati sa 14-anyos nga estudyante nga ang libro hinungdanong pagahuptan. Siya miingon: “Gikinahanglan gayod namo kining publikasyona tungod kay malisod kaayo ang pagkahimong usa ka batan-on niining mga adlawa.”

Kon buot nimo ang usa ka kopya sa librong Mga Pangutanang Gisukna sa mga Batan-on​—Mga Tubag nga Mosaler o buot nga adunay moduaw sa imong balay sa paghisgot sa kahinungdanon sa edukasyon sa Bibliya uban kanimo, palihog pagsulat sa Watch Tower, P.O. Box 2044, 1099 Manila, o sa tukmang adres nga gilista sa panid 5.