“Ako Nagkinahanglan sa Pagdasig ug Paglaom”

May panahon bang mibati ka niana? Daghang tawo karong adlawa ang mibati niana. Usa ka babaye nga taga-Fort Smith, Arkansas, misulat ngadto sa tibuok-kalibotang hedkuwarter sa mga Saksi ni Jehova sa Brooklyn, New York, ug misaysay:

“Ang inyong librong Kahibalo nga Motultol sa Kinabuhing Walay Kataposan maoy matulon-an kaayo ug makapadasig. Gibasa ko kana sa kinatibuk-an sa duha lang ka adlaw. Naghatag kini kanakog paglaom nga sa dili na madugay ang gisaad nga bag-ong kalibotan ubos sa pagmando ni Jesu-Kristo moabot na. Gipangandoy ko kanang adlawa.

“Hangtod sa maong panahon, ako nag-atubang sa pagpadayong buhi niining kalibotana, nga nagpaabot nga kana mahitabo. Ako dili gayod madasig niining kalibotanon, makapuol, dili-talagsaong kinabuhi. Ako nagkinahanglan sa pagdasig ug paglaom. Inyong giingon nga pinaagi sa inyong organisasyon kami makabatog libreng pagtuon sa Bibliya kon kami interesado. Mahimo bang pahibaloon ako kon unsay gikinahanglan aron mabatonan kini? Sa akong hunahuna ang maong pagtuon sa Bibliya sa balay makatabang sa pagdasig kanako.”

Kon buot nimong makadawat ug usa ka kopya sa librong Kahibalo nga Motultol sa Kinabuhing Walay Kataposan o gustong may magdumalag usa ka pagtuon sa Bibliya sa balay uban kanimo, palihog pagsulat ngadto sa Watch Tower, P.O. Box 2044, 1060 Manila o sa adres nga labing duol kanimo nga nalista sa panid 5.