Usa ka Librong Nagustohan Pag-ayo

Ang Books We Love Best, nga gipatik mga lima na ka tuig sa California, T.B.A., maoy usa ka koleksiyon sa mga komento sa mga batan-on bahin sa mga librong nagustohan nila pag-ayo. Usa ka batan-on ang mipili sa Mga Pangutanang Gisukna sa mga Batan-on​—Mga Tubag nga Mosaler ingong libro nga nagustohan niya pag-ayo. Ang batan-ong magsusulat nagbatbat kon ngano:

‘Kining maayong libro maoy bahin sa mga pangutana ug mga tubag nga gisukna mismo sa mga batan-on karong adlawa sama sa, “Nganong ang akong mga ginikanan dili mosabot kanako?” “Sulayan ko ba ang mga droga o alkoholikong ilimnon?” “Unsaon nako pagkaila kon kini tinuod nga gugma?” “Unsay akong kaugmaon?” “Unsay ikasulti bahin sa sekso sa dili pa magminyo?” Kadto maoy pipila sa mga ulohan sa kapitulo niining libroha. Akong nagustohan kining libroha tungod kay dili lamang kini may personal nga mga pangutana diha niini kondili nagtubag kini sa sayon nga mga tubag nga makapatagbaw kanimo. Magustohan kini sa mga batan-on.’

Ang alkoholikong ilimnon ug mga droga maoy gigamit ingong mga pananglitan sa mga pagsulay nga giatubang sa mga batan-on karong adlawa. ‘Ang mga magasin ug mga programa sa T.V. nagpakita sa mga ilimnon ug alkoholikong ilimnon nga magdani kanimo sa pag-inom niini,’ miingon ang batan-on. ‘Ang ubang mga batan-on ug mga tin-edyer mohaylo kanimo sa pag-inom niini. Busa dili ikatingala nga ang mga batan-on daw maglibog kon unsay buhaton. Kining libroha nagtubag nianang mga matanga sa mga pangutana. Busa karon nahibalo ka na kon nganong nagustohan nako kining libroha. Ang akong inahan ug ako dungang magtuon niini kanunay kada Huwebes. Hapit na kami magkatunga karon sa libro.’

Walay duhaduha ikaw usab makabenepisyo ug dako gikan niining madanihong-pagkailustrar, 320-panid nga publikasyon. Kon buot nimo nga makadawat ug usa ka kopya niini o buot nga makabaton ug libreng pagtuon sa Bibliya sa balay, palihog pagsulat sa Watch Tower, P.O. Box 2044, 1060 Manila, o sa haom nga adres nga nalista sa panid 5.