Nasayod Ka Ba?
(Ang mga tubag niining maong pasulit makaplagan sa mga teksto sa Bibliya nga gihatag, ug ang kompletong lista sa mga tubag gipatik sa panid 25. Alang sa dugang impormasyon, susiha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)
1. Unsay nakapugong kang Jesus sa paghimog gamhanang mga buhat taliwala sa katawhan sa iyang pinuy-anang teritoryo? (Marcos 6:5, 6)
2. Unsang duha ka tanom ang gihisgotan ni Jesus sa pagpunting sa makutikutihong ikapulo sa mga Pariseo? (Lucas 11:42)
3. Unsang hayop ang gigamit nga matagnaon aron ipakita kon sa unsang paagi si Jesus mobarog ingon nga “amang” samtang gisakit? (Isaias 53:7)
4. Kinsa ang hataas nga saserdote nga nakadawat ug grabeng paghukom tungod kay nagpasidungog siya sa iyang mga anak lalaki nga labaw kay kang Jehova? (1 Samuel 2:27-29)
5. Unsa kadtong “gibadlong” ni Jesus, mao nga kini mibiya sa ugangang babaye ni Simon ug siya naayo? (Lucas 4:38, 39)
6. Unsay pagtawag sa unang bahin sa parada? (Exodo 14:19)
7. Gipakasama sa unsa ang umalaging kinaiyahan sa kinabuhi sa tawo, sa pagtandi sa dumalayong “pulong ni Jehova”? (1 Pedro 1:24, 25)
8. Ang mga Israelinhon mikaon ug mana sa unang higayon ug ang balaod sa Igpapahulay gipatuman sa unsang rehiyon sa kamingawan? (Exodo 16:1, 13-31)
9. Unsa ang pipila ka butang nga dili mahimo sa mga diyosdiyos? (Salmo 115:5-7)
10. Tungod kay napakyas sila sa pagbalaan ug sa pagpasidungog sa Diyos sa mga tubig sa Meriba, kinsa ang gidid-an sa pagsulod ngadto sa Yutang Saad? (Numeros 20:12)
11. Haing bahin sa lawas ang gigamit nga mahulagwayon sa paghawas sa katakos sa paggamit sa kalig-on o gahom? (Isaias 51:9)
12. Nagpakita sa pagkalabaw sa pagkasaserdote ni Kristo, unsay gisulti ni Pablo nga gibayad ni Levi samtang diha pa sa bat-ang ni Abraham? (Hebreohanon 7:9, 10)
13. Unsang ekspresyon ang gigamit diha sa Bibliya aron ipaila nga ang usa ka hari sa Israel naghawas sa teokratikanhong pagmando ni Jehova? (1 Cronicas 29:23)
14. Unsay kaamgid sa matag usa sa upat ka buhing linalang sa panan-awon ni Juan? (Pinadayag 4:7)
15. Unsay nahitabo sa yuta human itambog ang Yawa gikan sa langit? (Pinadayag 12:12)
16. Sa unsang paagi gibahinbahin ang Yutang Saad taliwala sa 12 ka tribo? (Numeros 26:55, 56)
17. Unsang langgam nga may duha ka mata nga anaa sa atubangan, nga magpaarang niini sa pagtan-aw nga dungan sa usa ka butang? (Salmo 102:6)
18. Unsay ikapadayag ni Timoteo sa uban pinaagi sa padayong pagpadapat sa iyang kaugalingon sa espirituwal nga mga butang? (1 Timoteo 4:15)
19. Unsang posisyon ang nahuptan ni Daniel diha sa kagamhanan sa Babilonya? (Daniel 2:48)
20. Unsay gitahi ni Adan ug Eva aron may ikasapot? (Genesis 3:7)
21. Sa pagpasiugda sa iyang punto sa dili pag-abuso sa dila, unsay gisulti ni Santiago nga dili ikapatungha sa kahoyng igos? (Santiago 3:12)
22. Ang mga tawong masakiton mohikap lamang sa unsang bahin sa sapot ni Jesus aron bug-os nga mamaayo? (Mateo 14:36)
23. Bahin sa unsa nga nagsilbing mga igtitimaan ang langitnong mga butang? (Genesis 1:14)
24. Kinsa ang ilabinang pagatagdon nga makasaranganon, matinahurong mga kinabuhi ug maayong mga buhat? (Tito 2:2, 3)
25. Unsay giingon ni Isaias nga ang mga tawo pagapasayloon, aron “walay molupyo ang moingon: ‘Ako may sakit’”? (Isaias 33:24)
26. Bisag ang teksto nga iyang gikutlo, ang Salmo 140:3, nagtawag niining “bitin nga sungayan,” unsang katibuk-ang ngalan alang niining malalang halas ang gigamit ni Pablo? (Roma 3:13)
27. Unsa ang ikaunom nga letra sa Hebreohanong alpabeto?
28. Unsang pulong ang gigamit sa pag-ila nga ang usa dili Hudiyo? (Roma 2:9, 10; tan-awa ang King James Version.)
29. Unsay ngalan sa dunggoanan sa Italya diin migugol si Pablo ug usa ka semana duyog sa mga isigka-Kristohanon samtang diha sa iyang panaw sa pagbarog atubangan kang Cesar? (Buhat 28:13, 14)
30. Si Pablo nagtambag kanato sa pagpunting sa atong mga mata diha sa unsang mga butang nga walay-kataposan? (2 Corinto 4:18)
31. Unsay angayng dili buhaton sa mga Kristohanon sa ilang kaugalingon, sanglit kini pagabuhaton ra ni Jehova? (Roma 12:19)
32. Sa pagpasiugda sa pagkamalaglagon sa Gehenna, unsay gisulti ni Jesus nga dili mamatay didto? (Marcos 9:48)
Mga Tubag sa Pasulit
1. Ilang kawalay pagtuo
2. Yerbabuyna, ruda
3. Usa ka bayeng karnero
4. Eli
5. Iyang hilanat
6. Unahan
7. Balili nga malaya
8. Kamingawan sa Sin
9. Makasulti, makakita, makadungog, makapanimaho, makahikap, makalakaw
10. Moises ug Aaron
11. Bukton
12. Ikapulo
13. “Paglingkod sa trono ni Jehova”
14. Leyon, baka, tawo, agila
15. Alaot
16. Pinaagi sa pagpapalad o ripa
17. Ngiwngiw
18. Iyang pag-uswag
19. Pangulong gobernador
20. Mga dahon sa igos
21. Mga olibo
22. Sidsid
23. Mga panahon, mga adlaw, katuigan
24. Tigulang nga mga lalaki ug babaye
25. Ilang kasaypanan
26. Bitin
27. Waw
28. Hentil
29. Puteoli
30. “Mga butang nga dili-makita”
31. Pagpanimalos
32. “Ilang mga ulod”