“Usa ka Bililhong Kaplag nga Bahandi sa Kahibalo”

Usa ka tawo nga nagtrabaho sa THENEWS nga magasin sa Lagos, Nigeria, misulat sa sangang buhatan sa mga Saksi ni Jehova sa maong nasod ug naghubit sa Pagmata! sa mga pulong sa ibabaw. Siya misaysay:

“Matag panahon nga akong basahon ang Pagmata!, gusto kong mosulat kaninyo. Apan kasagaran, sa dihang mohana na akog sulat, lain pang sama ka nindot, ang tinuod mas maayo pa, nga kopya sa magasin ang moabot nga sa makausa pa magpahinam na usab kanako.

“Ang linugdangan niining tanan? Ang Pagmata!, sa akong hunahuna, maoy usa ka bililhong kaplag nga bahandi sa kahibalo. Talagsa ra akong makakitag publikasyon nga taas kaayog kalidad, nindot kaayo, balanse kaayo, ug binatid kaayo ang pagkadisenyo. Usa kini ka hamiling gasa sa katawhan.

“Gikan sa kinailadman sa akong kasingkasing, buot kong isulti kini: Daghan kaayong salamat. Padayona ang talagsaong buluhaton.”

Kami masaligon nga ikaw usab makabatog kaayohan sa pagbasa sa Pagmata! Kon buot nimong makadawat ug laing kopya o buot nga adunay usa nga moduaw sa imong balay aron hisgotan ang Bibliya uban nimo, palihog pagsulat sa Watch Tower, P.O. Box 2044, 1060 Manila, o sa haom nga adres nga nalista sa panid 5.