Nahibalo Ka Ba?
(Ang mga tubag niining maong pasulit makaplagan diha sa gisitar nga mga teksto sa Bibliya, ug ang kompletong listahan sa mga tubag gipatik sa panid 24. Alang sa dugang impormasyon, susiha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)
1. Kinsa ang ‘misinggit sa kalipay’ sa dihang ang Diyos ‘nagpahiluna sa patukoranan’ sa yuta? (Job 38:4-7)
2. Unsay dili gayod mahitabo sa Gingharian sa Diyos? (Daniel 2:44)
3. Pinaagi sa pagtandi sa iyang kaugalingon sa unsa nga gipakita ni David kang Saul nga walay kapuslanan para kang Saul nga gukdon siya? (1 Samuel 24:14)
4. Diha sa unsa nga gibubo sa ikapitong manulonda ang iyang panaksan sa kapungot sa Diyos? (Pinadayag 16:17)
5. Nganong ang mga kaliwat ni Jacob gitawag ug mga Israelinhon? (Genesis 32:28)
6. Unsa ang kinaparatang dagat sa yuta? (Tan-awa ang Genesis 14:3.)
7. Nganong ang mga Kristohanon gitambagan sa pag-ampo “labot sa mga hari ug kanilang tanan nga anaa sa hataas nga pangatungdanan”? (1 Timoteo 2:1, 2)
8. Unsang Semitikong ekspresyon ang gigamit ni Jesus sa dihang nag-ayo sa bungol nga tawo nga may kakulian sa pagsulti? (Marcos 7:34)
9. Sa unsang dapit gihimo ni Jesus ang iyang unang milagro? (Juan 2:11)
10. Unsa ang angga nga gihatag kang Esau? (Genesis 36:1)
11. Unsang mananapa ang gigamit ni Jesus sa ilustrasyon aron ipakita ang iyang tinguha sa pagtigom sa walay pagsanong nga Jerusalem? (Lucas 13:34)
12. Unsang metal ang gigamit sa pagpahait sa mga butang nga gihimo sa samang metal? (Proverbio 27:17)
13. Sa unsang dapit nga si apostol Juan, diha sa panan-awon, nakakita sa Kordero ug sa 144,00 nga nagtindog? (Pinadayag 14:1)
14. Kinsay nagdala sa hinungdanong pangutana bahin sa pagtuli sa mga dili-Hudiyo ngadto sa nagamandong lawas sa Jerusalem? (Buhat 15:2)
15. Unsa ang kabiserang siyudad sa napulo-tribong amihanang gingharian sa Israel? (1 Hari 16:29)
16. Unsay numero sa “mapintas nga mananap”? (Pinadayag 13:18)
17. Nganong ang rayna sa Sheba mipanaw ngadto sa Jerusalem? (1 Hari 10:4)
18. Kinsa ang hari sa Juda nga masiboton kaayo sa putling pagsimba nga iyang gipakanaog ang iyang apohang babaye gikan sa katungdanan niini sa gingharian tungod kay siya nagbuhat ug “dulumtanang idolo”? (1 Hari 15:13)
19. Ngadto sa unsa nga gibubo sa ikaduhang manulonda ang iyang panaksan sa kapungot sa Diyos? (Pinadayag 16:3)
20. Kinsa ang daotang hari sa Israel nga nagpahamtang ug bangis nga pagtagad kang Tipsa? (2 Hari 15:16)
21. Unsang hinagibana ang kasagarang ilabay? (Josue 8:18)
22. Unsang ngalana ang gihatag sa lunar nga bulan nga Etanim human sa pagkabihag sa Babilonya?
Mga Tubag sa Pasulit
1. Manulondang mga anak sa Diyos
2. “Malaglag”
3. “Usa ka buok pulgas”
4. Hangin
5. Tungod kay giusab sa Diyos ang iyang ngalan nga Israel
6. Ang Patayng Dagat
7. “Aron kita padayong magkinabuhi sa usa ka walay-gubot ug malinawong kinabuhi”
8. Effatha (nagkahulogang “mabuksan ka”)
9. Cana
10. Edom
11. Himungaan
12. Puthaw
13. Sa langitnong Bukid Sion
14. Pablo ug Bernabe
15. Samaria
16. 666
17. Aron maminaw sa kaalam ni Solomon
18. Asa
19. Dagat
20. Menahem
21. Ang bangkaw
22. Tisri