“Usa ka Primera-Klaseng Magasin”

Nakabasa ka na ba kanhi sa magasing Pagmata!? Unsay imong pagtasal sa kopya nga imong gikuptan? Nakaplagan ba nimo ang mga artikulo nga impormatibo, maayong pagkadukiduki, ug maanindot nga pagkadibuho?

Usa ka independenteng magsusulat nga taga-Nigeria, Aprika, misulat: “Ako usa ka regular nga magbabasa sa Pagmata!, bisan tuod dili ako usa sa mga Saksi ni Jehova. Ang Pagmata! maoy usa ka primera-klaseng magasin. Kini maoy tuboran sa mamugnaong mga ideya alang kanako. Ang mga hapin niini makadani ug magpatungha diha sa dili-mapihigong magbabasa ug dakong pangagda sa pag-abli sa mga panid niini. Ang matag isyu nagpakita ug talagsaong pagkamamugnaon; ang matag panid, usa ka ekselenteng sinulat. Uban sa nunot-sa-panahon ug maayong pagkasulat nga mga artikulo, ang matag isyu maoy lamiang pagdalit sa mapuslanon ug bililhon nga impormasyon.”

Gidasig namo kamo sa pagsusi sa mga artikulo niining kopyaha sa Pagmata! Kon buot nimong makabaton ug laing kopya, palihog isulat ang maong hangyo ngadto sa Watch Tower, P.O. Box 2044, 1060 Manila, o sa nahiangayng direksiyon sa panid 5. Malipay kami sa pagpadala kanimo ug laing kopya o, kon mohangyo ka, dunay moduaw kanimo sa imong balay aron sa paghisgot uban kanimo sa kahulogan sa kapanahonan nga kita nagkinabuhi.