Nasayod Ka Ba?
(Ang mga tubag niining maong pasulit makaplagan sa mga teksto sa Bibliya nga gihatag, ug ang kompletong lista sa mga tubag gipatik sa panid 27. Alang sa dugang impormasyon, susiha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)
1. Unsay laing pagtawag sa Dagat sa Galilea, nga ang ngalan gikuha sa usa ka siyudad sa kasadpang baybayon niini? (Juan 6:1; 21:1)
2. Diing dapita nga 200 sa 600 ka manggugubat ni David kinahanglang mohunong tungod sa kakapoy sa dihang gigukod ang misulong nga mga Amalekanhon nga mibihag sa duha ka asawa ni David? (1 Samuel 30:9, 10)
3. Unsay gigamit ni Rahab aron tagoan ang duha ka Israelinhong espiya? (Josue 2:6)
4. Unsay gisulti ni Pablo nga makatabang sa mga Kristohanon aron sila “sa dalawaton makahatag sa Diyos ug sagradong pag-alagad”? (Hebreohanon 12:28)
5. Sumala sa Moisesnong Kasugoan, unsay himoon sa usa ka agalon kon ang iyang ulipon dili buot nga mahimong gawasnon? (Exodo 21:6)
6. Unsang Edomihanong siyudad ang gibantog ingong sentro sa kaalam? (Jeremias 49:7)
7. Ang mga pultahan sa Labing Balaan sa templo ni Solomon ginama gikan sa unsang kahoy? (1 Hari 6:31-33)
8. Sumala sa Proverbio 6:17-19, unsa ang pito ka butang nga gidumtan ni Jehova?
9. Unsa ang kataposang letra sa Hebreohanong alpabeto? (Salmo 119:169, superskripsiyon)
10. Unsay gisulti ni Pablo nga mahitabo niadtong nagpugas nga tinagidyot, kon itandi niadtong nagpugas nga madagayaon? (2 Corinto 9:6)
11. Sa dihang gihagit si Jehova nga kuhaon ang iyang panalangin kang Job, si Satanas nakiglalis nga si Job mobuhat ug unsa? (Job 1:11)
12. Unsay mahitabo sa “ngalan mismo sa mga daotan”? (Proverbio 10:7)
13. Sa dihang gihinloan ni Jesus ang napulo ka sanlahon, pila kanila ang napamatud-ang dili-mapasalamaton? (Lucas 17:17)
14. Nalumpag ang mga paril sa Jerico human nga gibuhat sa mga Israelinhon ang unsa? (Josue 6:5)
15. Unsang mga pagdili ang gipahamtang diha sa mga Israelinhon nga makaatol sa pagkaplag ug langgam nga nagsalag? (Deuteronomio 22:6, 7)
16. Nganong gihatagan ni Jehova ang mga Israelinhon ug linaing pabor? (Isaias 41:8)
17. Pila ka mga prinsipe ang nag-alagad ingong mga magtatambag ni Haring Ahasuero, nga nagkauyon sa paghukom batok kang Rayna Vasti? (Ester 1:14)
18. Usa ka halad nga itanyag kang Jehova nga walay bahin niana nga ipabilin sa magsisimba. (Levitico 1:4)
19. Unsang duha ka butang ang gisulti ni Pablo nga kinahanglang himoon sa usa ka tawo aron maluwas? (Roma 10:9)
20. Unsa ka dugay ang pagtukod ni Solomon sa templo? (1 Hari 6:1, 38)
21. Aron mahimong baldado ang nabihag nga kaaway sa karaang panahon, unsay himoon usahay? (Maghuhukom 1:6)
22. Diin unang gitipigan ni Moises ang batong mga papan sa Kasugoan? (Deuteronomio 10:1-5)
23. Unsang basahon sa Bibliya nga sa kadaghanang bahin naghisgot sa kalihokan ni Pedro ug Pablo?
24. Unsay ngalan sa sulugoong babaye nga, tungod sa tumang kalipay nga nakadungog sa iyang tingog, midagan sa pagsulti sa uban nga si Pedro anaa sa pultahan, nga wala magpasulod kaniya? (Buhat 12:13, 14)
Mga Tubag sa Pasulit
1. Dagat sa Tiberias
2. Bul-oganang walog sa Besor
3. Mga dagami nga lino
4. “Diyosnong kahadlok ug kalisang”
5. “Magatusok sa iyang dalunggan pinaagi sa hulihod”
6. Teman
7. Tabla sa kahoy nga lana
8. “Mapahitas-ong mga mata, usa ka dila nga bakakon, ug mga kamot nga nag-ula sa dugo nga inosente, usa ka kasingkasing nga nagalalang sa daotang mga tinguha, mga tiil nga matulin nga modalagan ngadto sa pagkadaotan, usa ka mini nga saksi nga nagapamulong ug mga bakak, ug bisan kinsang nagapugas ug panaglalis taliwala sa kaigsoonan”
9. Taw
10. Sila magaani sumala sa ilang gipugas
11. Magtunglo kang Jehova atubangan sa iyang nawong
12. Kini madunot
13. Siyam
14. Misinggit
15. Mahimo nilang kuhaon ang kuyabog, apan ang inahan kinahanglang dili hilabtan
16. Sila maoy “binhi ni Abraham,” higala ni Jehova
17. Pito
18. Halad nga sinunog
19. Ang usa ka tawo kinahanglang dayag nga magpahayag nga si Jesus maoy Ginoo ug magpasundayag ug pagtuo nga ang Diyos nagbangon kang Jesus gikan sa patay
20. Pito ka tuig
21. Putlon ang mga kumalagko sa iyang mga kamot ug mga tiil
22. Sulod sa arka nga ginama sa kahoyng acacia
23. Buhat
24. Roda