Nahibalo Ka Ba?
(Ang mga tubag niining mga pangutanaha makita diha sa gihatag nga mga pangutlo sa Bibliya, ug ang tibuok nga listahan sa mga tubag napatik sa panid 22. Alang sa dugang impormasyon, tan-awa ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)
1. Pinaagi sa espiritu sa Diyos, unsay gihimo sa unang-siglong mga Kristohanon nga nakatabang kanila sa pagtudlo ug nagsilbing timaan ngadto sa mga dili-magtutuo? (1 Corinto 12:30)
2. Ang salampati nga mibalik kang Noe nagdalag dahon sa unsang kahoya? (Genesis 8:11)
3. Unsang geograpikong ngalan nga nagpasabot sa usa ka butang nga nahimutang sa amihanan-kasadpang bahin sa Sinai Peninsula ang gihisgotan unom ka beses sa Bibliya ug mahimong maghawas sa usa ka siyudad, rehiyon, han-ay sa mga utlanang mga kota, o kabukiran? (Genesis 25:18)
4. Kinsay gigamit ni Joab sa pagpangaliyupo kang Haring David alang kang Absalom human gidistiyero si Absalom sulod sa tulo ka tuig? (2 Samuel 14:4)
5. Unsang yutaa ang sidlakang utlanan sa imperyo ni Haring Ahasuero? (Ester 1:1)
6. Diha sa mga tagna sa pagpasig-uli, unsang mga kahoya ang gitagna nga motubo puli sa dapit sa “kalibonan sa mga tunok” ug “sa sampinit”? (Isaias 55:13)
7. Labot sa unsa nga giakusar sa mga Hudiyo si Pablo atubangan kang Galio, ang prokonsul sa Achaia, ug nganong gidismis ni Galio ang kaso? (Buhat 18:12-17)
8. Sa unsang paagi gibatbat sa Bibliya ang kahimtang sa mga patay? (Buhat 7:60)
9. Kinsa ang duha ka tigulang nga mga lalaki kinsa, bisan pag napili ingong bahin sa 70 sa pagtabang kang Moises, wala moadto sa balongbalong sa panagtigom? (Numeros 11:14-17, 24-26)
10. Unsang lungsora nga anaa sa utlanan taliwala sa Epraim ug Manases ang gihatag ngadto kang Epraim, samtang ang dapit nga kasikbit nianang ngalana gihatag ngadto kang Manases? (Josue 16:8)
11. Unsa ang unang upat ka letra sa Gregong alpabeto?
12. Sumala sa asoy sa Bibliya, unsa ang gihalad diha sa “unang adlaw sa dili-pinatuboang mga tinapay”? (Marcos 14:12)
13. Kinsa sa mga anak ni Josias ang gibutang ni Paraon Necho sa trono sa Juda ug gitawag sa ngalang Jehoiakim? (2 Hari 23:34)
14. Unsay gipasabot sa dihang si Moises nagbutang ug dugo sa gihalad nga laking karnero sa pagdawat sa katungdanan diha sa tuong kumagko sa tiil ni Aaron ug sa matag usa sa iyang mga anak nga lalaki? (Levitico 8:22-24)
15. Kinsa ang amahan ni Josue? (Nehemias 8:17)
16. Kinsa ang amahan ni Jezebel? (1 Hari 16:31)
17. Unsang triboha ang nakaagom ug kamatayon sa 42,000 ka sakop niini sa dihang sila wala makalitok sa kontra-senyas nga pulong nga “Shibboleth”? (Maghuhukom 12:1-6)
18. Kinsang hataas nga saserdote ang mibadlong sa matarong nga Ana, nga nasayop sa paghunahuna kaniya nga hubog? (1 Samuel 1:12-15)
19. Ilalom sa Kasugoan sa Diyos sa Israel, unsay pangayoon nga ipabayad sa usa ka kawatan? (Exodo 22:1-4)
20. Unsang kahoya ang kadaghanang gigamit sa pagtukod sa templo? (1 Hari 6:9-20)
21. Unsa kanang dili makahimo ang Diyos sa pagbuhat? (Hebreohanon 6:18)
22. Kinsa ang pangunang Kaaway sa Diyos? (Zacarias 3:1)
23. Diha sa panan-awon unsay nakita ni Amos nga gikaptan ni Jehova sa iyang kamot sa pagpakita nga ang Israel wala makapasar sa pagsulay sa pagkatul-id sa espirituwal nga paagi? (Amos 7:7-9)
24. Sa unsa gitandi sa basahon sa Proverbio ang matahom nga babaye nga walay-kabuot? (Proverbio 11:22)
25. Pila ka tinun-an ang gipadala ni Jesus sa pagkuha sa asno nga iyang gisakyan ngadto sa Jerusalem? (Marcos 11:1)
Mga Tubag sa Pangutana
1. Pagsulti diha sa mga dila
2. Olibo
3. Shur
4. Usa ka babayeng maalamon sa Tekoa
5. India
6. Mga kahoyng sipre ug mirto
7. Sa pagkabig sa mga tawo “ngadto sa laing tinuohan sa pagsimba sa Diyos.” Tungod kay walay nalapas nga Romanhong balaod
8. Samag natulog
9. Eldad ug Medad
10. Tappuah
11. Alpha, beta, gamma, delta
12. Ang biktima sa Paskuwa
13. Eliakim
14. Nga kinahanglang magtarong sila sa ilang dalan ug maglakawng malig-on sa paghimo sa labing maayo nilang maarangan sa mga buluhatong paghalad sa pagkasaserdote
15. Nun
16. Ethbaal
17. Epraim
18. Eli
19. Pagbayad ug lima ka pilo
20. Ang sidro
21. Mamakak
22. Satanas
23. Usa ka tunton
24. “Bulawang singsing sa ilong diha sa simod sa baboy”
25. Duha