Nakatabang sa Iyang Pagpangita

ANG kinabuhi malisod alang sa daghang tawo sa tibuok kalibotan, ug ang uban nagapangita sa katarongan kon nganong ingon niini. Usa ka 35-anyos nga lalaki nga may duha ka anak ang misulat gikan sa siyudad sa Grodno, Belarus:

“Usa ka babaye ang mipahunong kanako diha sa dalan ug mitanyag kanakog magasing Pagmata! Wala ako mahibalo kon mahitungod sa unsa kining magasina, apan sanglit kadto madanihong tan-awon, gikuha ko kini. Sa dihang midangat ako sa balay, gisusi ko ang mga artikulo, ug kini nakabutad sa akong pagtagad.

“Wala ko isipa ang akong kaugalingon ingong usa ka magtutuo. Apan, diha sa inyong publikasyon akong nakaplagan ang kasaligang mga tubag sa daghang pangutana nga nakapatugaw kanako. Dili sayon ang atong kinabuhi karon, ug kita ilabinang nanginahanglan sa tabang sa Bibliya. Buot kong mohangyo kaninyo sa pagpadala kanakog dugang impormasyon bahin sa Diyos ug sa iyang mga pagtulon-an. Sulod sa dugayng panahon, ako nangitag mga tubag sa daghang pangutana, ug ang inyong publikasyon nakatabang sa akong pagpangita.”

Ang bililhong publikasyon nga nakatabang sa milyomilyon mao ang 32-panid nga brosyur nga Unsa ang Katuyoan sa Kinabuhi?—Sa Unsang Paagi Makaplagan Nimo Kini? Makadawat ka ug usa ka kopya pinaagig pagpil-ap ug pagpadala sa kaubang kupon sa gipakitang adres o sa nahiangayng adres nga nalista sa panid 5 niining magasina.

□ Padalhi ako ug usa ka kopya sa brosyur nga Unsa ang Katuyoan sa Kinabuhi?—Sa Unsang Paagi Makaplagan Nimo Kini?

□ Palihog kontaka ako mahitungod sa usa ka libreng pagtuon sa Bibliya sa balay.