Nahibalo Ka Ba?

(Ang mga tubag niini nga pasulit makaplagan sa mga teksto sa Bibliya nga gihatag, ug ang kompletong lista sa mga tubag gipatik sa panid 14. Alang sa dugang impormasyon, konsultaha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)

1. Unsang prase ang sagad gigamit sa pagtumong sa siyudad sa Jerusalem ug sa mga molupyo niini? (Zacarias 9:9)

2. Gikan sa unsang dunggoanang lungsod nga si Pablo mibiya sa Asia Minor sa dihang mipauli sa Antioquia, Sirya, sa kataposan sa iyang unang misyonaryong panaw? (Buhat 14:25, 26)

3. Bahin ni kinsang duha ka tawo nga ang katawhan sa napulo-ka-tribong gingharian nabahin sa kon kinsa ang angay nga mahimong ikaunom nga hari sa Israel? (1 Hari 16:21, 22)

4. Unsa ang ikatulong bantaaw nga dapit nga si Haring Balak midala kang manalagnang Balaam sa dihang misulay sa paggamit kaniya aron tunglohon ang Israel? (Numeros 23:28)

5. Sa 12 ka anak ni Jacob, kinsang ngalana ang nagkahulogan nga “Buenas”? (Genesis 30:11)

6. Kinsa ang Cesar nga si Pablo miapelar, nga sa ulahi nagsugo sa pagpapatay kaniya? (Tan-awa ang Buhat 25:11, 21, potnot.)

7. Unsay igadugang sa bisan unsang ihalad kang Jehova diha sa halaran? (Levitico 2:13)

8. Sumala sa tagna ni Jesus, unsang hinungdanong buluhaton ang himoon sa dili pa mahitabo ang kataposan niining sistemaha sa mga butang? (Mateo 24:3, 14)

9. Diha sa unsang Hudiyohanong bulan nga nakompleto ni Nehemias ang 52-adlaw nga proyekto sa pagtukod-pag-usab sa paril sa Jerusalem? (Nehemias 6:15)

10. Nganong ang mga babaye mibalik sa lubnganan ni Jesus sa ikaduhang adlaw human nga siya napahiluna didto ug natak-opan ang lubnganan? (Lucas 23:55–24:3)

11. Diha sa unsang Hudiyohanong bulan nga nakompleto ni Solomon ang pagtukod sa templo? (1 Hari 6:38)

12. Unsay gibuhat ni David sa pagkasayod nga ang iyang panganayng anak nga lalaki kang Bat-seba namatay? (2 Samuel 12:20-23)

13. Sa mga adlaw ni Jesus, pinaagi sa unsa nga ang pipila ka tawo nakahimo sa pagpasundayag ug labaw-tawhanong kusog? (Marcos 5:3, 4, 15)

14. Sumala ni apostol Pablo, unsay kaayohan sa pagtugot sa atong kaugalingon nga mabansay sa disiplina? (Hebreohanon 12:11)

15. Lahi sa kadaghanang ubang mga langgam, unsang langgama ang may parehong mga mata nga nag-atubang, nga nagpaarang niini sa paglantaw sa usa ka butang uban ang duha ka mata nga dungan? (Salmo 102:6)

16. Dili sama sa kalibotanong mga kabtangan, unsa ang magpulos sa adlaw sa kasuko sa Diyos? (Proverbio 11:4)

17. Si Jesus miingon nga angay natong huptan ingong mga alagad sa Diyos ang unsang tinamdan sa dihang atong buhaton ang atong natudlong buluhaton? (Lucas 17:9, 10)

18. Unsang maisogong lihok ang gibuhat ni Haring Asa bahin sa “mangilngig nga idolo sa sagradong poste” nga gitukod sa iyang apohang babaye nga si Maaca? (1 Hari 15:13)

19. Nganong giagda ni Jesus ang mga tawong nabug-atan sa pagbutang sa iyang yugo diha kanila? (Mateo 11:30)

20. Diha sa unsang dapit gilantaw ni Moises ang yutang Saad ug dayon namatay? (Deuteronomio 32:49, 50)

Mga Tubag sa Pasulit

1. Anak nga babaye sa Sion

2. Atalia

3. Tibni ug Omri

4. Peor

5. Gad

6. Nero

7. Asin

8. Ang “maayong balita sa gingharian igawali sa tibuok gipuy-ang yuta”

9. Elul

10. Aron sa pagpreserbar ug dugang sa iyang lawas ginamit ang mga lana ug yerbang-paalimyon

11. Bul

12. Miundang siya sa pagpuasa ug paghilak ug misugod sa pagkaon

13. Sila gigamhag-demonyo

14. Kini magpatunghag “madaitong bunga, nga mao, ang pagkamatarong”

15. Ang ngiwngiw

16. Pagkamatarong

17. Nga kini maoy usa ka pribilehiyo ug kita nagabuhat lamang kon unsay angay kanato

18. Iyang gipuril ang idolo ug gisunog kini, ug iyang gitangtang siya sa pagkahimong “senyora,” o raynang inahan, sa gingharian

19. Makapalagsik kini kanila, kay ang iyang yugo maluloton ug ang iyang luwan magaan

20. Bukid Nebo