Ang Disenyo Nagkinahanglan ba ug Tigdisenyo?

Mao kanay pangutana nga gihinuktokan sa daghan karon. Unsay imong hunahuna? Usa ka tawo nga taga-Virginia, T.B.A., misulat:

“Bag-o ko lang natapos ang pagbasa sa Life—How Did It Get Here? By Evolution or by Creation? Ako nagtuo nga kini maayo kaayong pagkatuki ug makapukaw sa hunahuna. Akong nadawat ang libro sa daghang tuig na kanhi gikan sa usa sa inyong mga misyonaryo sa Summerville, South Carolina, T.B.A.

“Ako gayod nga gipabilhan ang libro ug ang siyentipikanhong pagdepensa niini sa paglalang. Tungod sa inyong libro, wala na ako magtuo nga tinuod ang teoriya sa ebolusyon. Bisan tuod usa ako ka Romano Katoliko sa tibuok kinabuhi, ako nalipay niining libroha ug sa mga panaghisgot uban sa pipila sa inyong mga misyonaryo nga Saksi ni Jehova.”

Kon buot nimong makadawat ug kasaligang ebidensiya nga ang kinabuhi wala motungha nga sulagma apan gilalang, palihog pagsulat sa Watch Tower, P.O. Box 2044, 1060 Manila, o sa nahiangayng adres nga gilista sa panid 5. Malipay kami sa pagpadala kanimo sa 32-panid nga brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini? Pagkat-on mahitungod sa kahibulongang disenyo sa buhing mga butang ug kon nganong ang maong disenyo nanginahanglan ug usa ka Tigdisenyo.