Nahibalo Ka Ba?
(Ang mga tubag niini nga pasulit makaplagan sa mga teksto sa Bibliya nga gihatag, ug ang kompletong lista sa mga tubag gipatik sa panid 27. Alang sa dugang impormasyon, susiha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)
1. Unsang titulo ang gihatag sa mga magmamando sa lima ka Filistehanong mga siyudad nga nagkunsabo bahin sa mga butang nga pareho nilang gikaikagan, sama sa pagsulay sa pagbuntog ni Samson? (Maghuhukom 16:5)
2. Nahinumdom sa ilang gikaon sa Ehipto, ang mga Israelinhon nangandoy sa unsang mga pagkaona samtang didto sa kamingawan? (Numeros 11:5)
3. Unsay gipahinumdom ni Jesus sa iyang mga tinun-an nga dili na angayng buhaton sa mga liryo sa kapatagan, bisan pag matahom nga nabestihan? (Lucas 12:27)
4. Samtang ang mga balo ug mga binulagan gibugkos pinaagi sa ilang mga panaad ilalom sa Moisesnong Kasugoan, unsay mahimong buhaton sa bana sa bisan unsang panaad nga gihimo sa iyang asawa? (Numeros 30:13)
5. Sa kapanahonan sa Bibliya unsang buhat ang nagsilbing timaan sa pagbati o pagtahod? (1 Samuel 20:41, 42)
6. Unsay gidili sa ikaduhang sugo? (Exodo 20:4, 5)
7. Sa unsang paagi unang gidawat sa mga Israelinhon ang Napulo ka Sugo, ug ubos sa unsang mga kahimtang? (Deuteronomio 10:4)
8. Kinsay mipalit sa giokanan ni Ornan, ug unsay gitukod sa ulahi nianang dapita? (1 Cronicas 21:24; 2 Cronicas 3:1)
9. Pila ka buok ang hatag-as-ug-ranggo nga mga luyoluyo ni Solomon, ug unsay ilang buluhaton? (1 Hari 4:7)
10. Nganong si Pedro nagtambag kanato sa pagbaton ug “pagkamapaubsanon sa hunahuna ngadto sa usag usa?” (1 Pedro 5:5)
11. Kinsa ang nakiglantugi kang Pablo sa tiyanggihan sa Atenas, nga nanghimakak sa paglaom sa pagkabanhaw? (Buhat 17:18)
12. Unsang mga butanga, nga gipiyal ngadto sa hataas nga saserdote, ang gigamit sa pagpiho sa kabubut-on ni Jehova bahin sa usa ka butang? (Exodo 28:30)
13. Kinsa nga manalagna ang gihatagan sa panan-awon sa langitnong karo ni Jehova?
14. Unsang termino ang gipadapat kang Haman ug sa iyang amahan, si Hamedata, ang nagpaila nga sila mga Amalekanhog kaliwat ug naandang mga kaaway sa mga Hudiyo? (Ester 3:1; 8:3)
15. Unsang karaang sukod sa likido ang katumbas sa 3.67 litros o duolan sa usa ka galon (T.B.)? (Exodo 29:40)
16. Ubos sa Moisesnong Kasugoan, unsang mga kinaiya ang nabatonan sa usa ka hayop aron isipon nga hinlo nga pagkaon? (Levitico 11:3)
17. Gikan sa unsa gihimo ni Solomon ang iyang trono? (1 Hari 10:18)
18. Sa unsang paagi giablihan ni Jesus ang iyang kabildohay sa Samaritanang babaye diha sa atabay? (Juan 4:7)
19. Diin patya ni Cain si Abel? (Genesis 4:8)
20. Unsa ang unang langgam nga espesipikong ginganlan sa Bibliya? (Genesis 8:7)
Mga Tubag sa Pasulit
1. Magkaabin nga kadagkoan
2. Isda, mga pepino, pakwan, sibuyas nga dahon, sibuyas, ug ahos
3. Magbudlay o magkalinyas
4. Mahimo niyang anulahon kana
5. Maghinagkanay sila
6. Pagbuhat ug mga larawan ug pagsimba niana
7. Gihatag kini nga binaba sa Bukid sa Sinai sa dihang si Jehova misulti “gikan sa taliwala sa kalayo”?
8. Si Haring David; ang templo
9. Napulog-duha; ang matag usa nagtaganag pagkaon ug ubang mga suplay sa panimalay ni Solomon sulod sa usa ka bulan sa tuig diha sa turnoturno nga paagi
10. “Tungod kay ang Diyos nagasupak sa mga mapahitas-on, apan siya nagahatag ug dili-takos nga kalulot sa mga mapainubsanon”
11. “Mga Epicureo ug ingon man sa mga pilosopong Estoiko”
12. Ang Urim ug Thummim
13. Ezequiel (Ezequiel, kapitulo 1)
14. Agagihanon
15. Ang hin
16. Kinahanglan kining nagapangusap sa kinaon ug may pikas, o buak, nga mga kuko
17. Garing nga gihal-opan ug bulawan
18. Nangayo siyag tubig nga mainom
19. Sa umahan
20. Ang uwak