Nahibalo Ka Ba?

(Ang mga tubag niining maong pasulit hikaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 27. Alang sa dugang impormasyon, konsultaha ang basahong “Insight on the Scriptures,” nga gipatik sa Watchtower Bible and Tract Society of New York, Inc.)

1. Unsay giingon sa Kasulatan nga ‘gitagana sa walay kataposan’ alang sa dili-diyosnong mga tawo ug mga apostata? (Judas 13)

2. Unsay wala mahitabo sa wala pa motungha ang mga tanom sa ikatulong adlaw sa paglalang? (Genesis 2:5)

3. Nganong si Jehova nagpadalag malala nga mga bitin sa taliwala sa mga Israelinhon? (Numeros 21:5-7)

4. Sa absolutong kahulogan, unsay giingon nga si Jehova lamang maoy ingon niana? (Salmo 18:30)

5. Unsay giingon ni Pablo nga mahitungod niana dili magmaya ang gugma? (1 Corinto 13:6)

6. Kinsa ang tulo ka lalaki nga nagdalag gikinahanglan pag-ayong mga suplay kang David sa dihang siya mikalagiw sa Jerusalem tungod sa pagrebelde ni Absalom? (2 Samuel 17:27-29)

7. Unsay gitawag kang Jehova tungod kay siya maoy seguradong panalipod ug dangpanan sa iyang katawhan? (Salmo 62:7)

8. Nganong ginganlan ni Efraim ang iyang bag-ong natawong anak lalaki ug Beria, nga nagkahulogan nga “Uban ang Katalagman”? (1 Cronicas 7:20-23)

9. Giunsa paghulagway ni Jesus ang kamatuoran nga tinoon sa Diyos nga mabestihan ang iyang mga alagad? (Lucas 12:27, 28)

10. Unsa ka dako ang kasundalohan ubos kang Zera nga Etiopianhon nga gipildi ni Jehova atubangan ni Asa? (2 Cronicas 14:9, 12)

11. Unsang pasidaan mahitungod sa mga ikauban sa usa ang gihatag ni apostol Pablo? (1 Corinto 15:33)

12. Unsay himoon sa Gingharian sa Diyos sa tanang binuhat-sa-tawo nga mga gingharian? (Daniel 2:44)

13. Sa unsang paagi gipaila ang balay ni Rahab aron siya ug iyang panimalay maluwas sa dihang gilaglag ang siyudad sa Jerico? (Josue 2:18)

14. Giunsa pagbihag ni Josue ang siyudad sa Ai? (Josue 8:3-7)

15. Unsa ka daghang mana ang gisugo ni Jehova kang Moises nga tipigan alang sa umaabot nga mga kaliwatan? (Exodo 16:32-34)

Mga Tubag sa Pasulit

1. ‘Ang naglugitom nga kangitngit’

2. Ulan

3. Tungod kay sila mirebelde ug nagmulo batok kang Jehova

4. Hingpit

5. Pagkadili-matarong

6. Sobi, Makir, ug Barzilai

7. Usa ka bato

8. Tungod kay ang mga lalaki sa Gat nagpatay sa iyang mga magulang nga lalaki

9. Siya naghisgot bahin sa dayandayan sa mga liryo

10. Usa ka milyong lalaki

11. “Ang daotang pakig-uban nagadaot sa mapuslanong mga batasan”

12. Dugmokon sila ug laglagon sila

13. Gihigot niya ang usa ka pisi sa pula nga hilo sa bentana

14. Gipabanhig niya ang mga lalaki sa luyo sa siyudad ug dayon gihaylo kadtong diha sa siyudad nga mogawas pinaagi sa pagpakaaron-ingnon nga nanibog hangtod nga nalayo na sila sa ilang kuta

15. Usa ka takos nga omer