“Kaylap nga Krisis sa Pagsalig”

Sa Kasadpang Aprika, usa ka 12 anyos nga batang lalaki ang naospital—biktima sa peke nga tambal sa malarya nga napalit sa iyang inahan sa usa ka inilang botika. “Sulod sa 15 ka tuig, nakadiskobre kamig peke nga mga medisina nga gipamaligya,” miingon ang usa ka doktor sa ospital.a

Sa Asia, ang ginikanan sa masuso nga lalaki nakurat sa pagkahibalo nga ang gatas nga puno konog bitamina nga ilang gipainom sa bata duna diay makamatayng sambog. Ikasubo, ang masuso namatay.

Giilad sa usa ka gisaligan nga negosyanteng Amerikano ang iyang mga kliyente ug bilyonbilyong dolyares! Daghan ang nakadiskobre nga ang ilang pensiyon nahanaw kay nabiktima sila nianang gitawag nga “kinadak-ang pagpanikas niining sigloha.”

NIINING kalibotan karon, halos tanan nabiktima sa panglimbong, mao nga daghan ang nawad-ag pagsalig. Bisan ang dili maayong kahimtang sa ekonomiya sa tibuok kalibotan maoy resulta nianang giingon sa mantalaang Le Monde sa Pransiya nga “kaylap nga krisis sa pagsalig.”

Unsay nakaingon niining “krisis sa pagsalig” karon? Duna ka pa bay kasaligan?

[Footnote]