Introduksiyon

Samag hapit nang mapuo nga klase sa mananap, ang pagtahod talagsa na lang makita ug masorpresa pa gani ang uban kon makakita silag tawo nga naay pagtahod.

Pananglitan, daghang tawo ang wala nay pagtahod sa ilang ginikanan, sa mga tigulang, ug apil na sa mga polis, ilang mga amo, ug titser. Dugang pa, diha sa social media, daghan tag mabasa nga mga komento nga nagpakitag kawalay-pagtahod. Ang usa ka artikulo sa Harvard Business Review nag-ingon nga ang kawalay-pagtahod “nagkagrabe na gyod.” Kini dugang nag-ingon nga mas nagkadaghan ang mga tawo nga dili na matinahoron.