Paglalang Ngadto sa Lunop

Giunsa pagtungha sa adlaw, bulan ug mga bituon, maingon man sa daghang butang sa yuta? Ang Bibliya mohatag sa matuod nga tubag. Gilalang sila sa Diyos. Busa ang atong basahon mosugod sa mga estorya sa Bibliya bahin sa paglalang.

Unang gihimo sa Diyos ang mga manulunda. Sila maoy espirituhanong mga persona nga maorag sama sa iyang kaugalingon. Apan ang yuta gilalang alang sa katawhan nga sama kanato. Busa ang Diyos mibuhat sa lalaki ug babaye ginganlan Adan ug Eva, ug nagpahaluna kanila sa usa ka matahom tanaman. Apan sila misupak sa Diyos.

Sukad sa panahon ni Adan hangtod sa Lunop maoy 1,656 ka tuig. Sulod ning panahona, nagpuyo ang daghan daotang persona. Sa langit didto si Satanas ug ang iyang daotang mga manulunda. Dinhi sa yuta diha si Cain ug daghan pang daotang mga tawo. Apan may maayong mga tawo usab​—⁠si Abel, Enoch ug Noe. Sa Bahin UNO kita makabasa mahitungod sa tanan ning mga tawhana ug sa mga hitabo.