Minilyong Espiritung mga Linalang

Ang Biblia nag-ingon nga anaay daghang mga espiritung persona. Si Jehova mismo espiritu.​—Juan 4:24; 2 Corinto 3:17, 18.

Dihay panahon nga si Jehova nag-inusara sa uniberso. Unya siya misugod paglalang ug espiritung mga persona gitawag mga anghel. Sila mas gamhanan ug intelihente kay sa mga tawo. Si Jehova naglalang ug daghang mga anghel; ang alagad sa Diyos nga si Daniel, sa usa ka panan-awon, nakakita ug usa ka gatos ka milyong anghel.​—Daniel 7:10; Hebreohanon 1:7.

Kining mga anghela gilalang sa Diyos nga una kay sa paglalang niya sa yuta. (Job 38:4-7) Walay mausa kanila ang kanhi tawo nga nagpuyo ug namatay dinhi sa yuta.