Seksiyon 1

Kaatbang nga Sekso

Nakakita kag lalaki ug babaye nga nagkinuptanay samtang naglakaw-lakaw sa pasilyo sa eskuylahan panahon nga walay klase. Unsay imong gibati?

□ Wala maibog

□ Naibog ug gamay

□ Naibog pag-ayo

Nanan-aw mo ug sine sa imong mga higala ug imong nakita nga sila may mga paris​—ikaw ray wala! Unsay imong gibati?

□ Wala ra nako

□ Naibog ug gamay

□ Naibog pag-ayo

Ang suod mong higala dunay naibgan ug karon nagdeyt na. Unsay imong gibati?

□ Nalipay

□ Naibog ug gamay

□ Naglagot

Lalaki ug babaye, babaye ug lalaki. Bisag asa ka molingi makita nimo sila​—sa eskuylahan, sa dalan, sa mall. Sa matag higayong makita nimo sila, nangandoy ka nga unta makatrato sab ka. Apan andam ka na bang makigdeyt? Kon andam ka na, unsay imong himoon aron makakita kag trato nga angay gayod nimo? Kon makatrato ka na, sa unsang paagi mapabilin ninyo nga maputli ang inyong panagtratohay samtang nagadeyt? Tubagon kining mga pangutanaha diha sa Kapitulo 1-5.

[Hulagway sa panid 12, 13]