BAHIN 9

Kanus-a Mahimong Paraiso ang Yuta?

Ang daotang panghitabo karon maoy ilhanan nga ang Gingharian sa Diyos hapit nang molihok. Lucas 21:10, 11; 2 Timoteo 3:1-5

Komon nga mga problema sa kataposang mga adlaw—pagsugal, gubat, sakit, kanihit sa pagkaon, pagkadili-masinugtanon sa ginikanan, ug kapintasan diha sa panimalay

Gitagna sa Bibliya ang daghang panghitabo karon. Kini nag-ingong ang mga tawo unya mahigugmaon sa kuwarta, dili masinugtanon sa ginikanan, bayolente, ug mahigugmaon sa kalipayan.

Duna unyay dagkong linog, gubat, kanihit sa pagkaon, ug kaylap nga mga sakit. Nagakahitabo na kini karon.

Saksi ni Jehova nga nagsangyaw sa maayong balita sa Gingharian ngadto sa usa ka lalaki

Si Jesus miingon usab nga ang maayong balita sa Gingharian isangyaw sa tibuok yuta.—Mateo 24:14.

Ang Gingharian magwagtang sa tanang pagkadaotan. 2 Pedro 3:13

Ang mga daotan laglagon sa Armagedon, dayon silotan si Satanas ug ang iyang mga demonyo

Sa dili madugay, laglagon na ni Jehova ang tanang daotan.

Si Satanas ug ang mga demonyo pagasilotan.

Si Jesus naglingkod sa iyang trono sa langit ug ang mga tawo nga lainlaig rasa nalipay

Ang mamati sa Diyos maluwas ngadto sa matarong nga bag-ong kalibotan, diin wala nay kahadlok ug ang mga tawo may pagsalig ug gugma sa usag usa.