ABILINIA

Usa ka Romanhong distrito o tetrarkiya sa rehiyon sa kabukiran sa Anti-Lebanon nga A sa Bukid sa Hermon. Kini ginganlan sumala sa ngalan sa kaulohan niini, ang Abila, usa ka siyudad nga nahimutang sa matahom nga lugot daplin sa tampi sa suba sa Abana (modernong Barada).

Ang Lucas 3:1 nag-asoy kanato nga sa ika-15 nga tuig ni Tiberio Cesar (28/29 K.P.) kini nga distrito gimandoan ni Lisanias. Kini nga kamatuoran gipamatud-an sa usa ka inskripsiyon nga nakaplagan sa Abila maylabot sa usa ka dedikasyon sa templo nga gituohang nahitabo panahon sa paghari ni Tiberio. Kini nga inskripsiyon may ngalan nga “Lisanias nga tetrarka.” Una pa niana, ang Abilinia maoy bahin sa gingharian ni Herodes nga Bantogan, apan human sa iyang kamatayon, tingali niadtong tuig 1 W.K.P., kini gilakip sa lalawigan sa Sirya. Girekord ni Josephus nga ang tetrarkiya ni Lisanias giusa sa Palestina, niadtong 37 K.P., ilalom ni Herodes Agripa I, ug nga human niadto gihatag kini ni Claudio ngadto kang Herodes Agripa II niadtong 53 K.P.