ADA

[pinamubo sa Eleada o Adaia].

1. Ang una sa duha ka buhi nga asawa ni Lamek. Siya ang inahan ni Jabal ug Jubal, ang mga mag-uugda sa nagbalhinbalhin nga mga tig-alimag hayop ug mga maghohoni.​—Gen 4:19-23.

2. Usa ka Canaanhong anak nga babaye ni Elon nga Hitihanon, ug usa sa mga asawa ni Esau. Tungod niana siya maoy “tinubdan sa kapaitan sa espiritu ni Isaac ug ni Rebeca.” Ang ngalan sa iyang anak nga lalaki maoy Elipaz, ang amahan ni Amalek. Lagmit siya ang gitawag nga Basemat sa Genesis 26:34.​—Gen 26:35; 36:​2, 4, 10, 12.